پریاگ راج میں بلڈوزر گرجا، پی ڈی اے کی بڑی کارروائی، مفرور مجرموں کے مکانات گرانے کا عمل شروع
Umesh Pal Murder: پی ڈی اے (پریاگ راج ڈیولپمنٹ اتھارٹی) نے امیش پال قتل کیس میں بڑی کارروائی شروع کی ہوئی ہے ۔ اس کے لیے بدھ کو قتل کیس میں ملوث ملزم خالد ظفر کے گھر کو مسمار کرنے کا عمل شروع کر دیا گیا ہے۔قابل ذکر بات یہ ہے کہ خالد عتیق کے بہت قریب ہے۔ اس کے ساتھ ہی پریاگ راج کے چاکیا علاقے میں بھاری فورس تعینات کر دی گئی ہے۔ اطلاعات سامنے آ رہی ہیں کہ گینگسٹر عتیق احمد کے قریبی ملزموں کی جائیدادوں کو گرانے کے لیے پریاگ راج میں بلڈوزر لایا گیا۔
قابل ذکر بات یہ ہے کہ پریاگ راج ڈیولپمنٹ اتھارٹی (پی ڈی اے) نے یوپی کے پریاگ راج میں بی ایس پی ایم ایل اے راجو پال قتل کیس کے گواہ اومیش پال کو قتل کرنے والے مجرموں اور مافیا عتیق احمد کے قریبی لوگوں کے گھروں کو مسمار کرنے کی مکمل حکمت عملی تیار کرلی ہے۔ منگل کو پی ڈی اے کی جانب سے مافیا کے قریبی اور قتل میں ملوث 40 افراد کے گھروں کےدستاویزات پر مشتمل فائل کی چھان بین کی گئی اور بدھ کی دوپہر سے ہی مسماری کا عمل شروع کر دیا گیا ہے۔ اس پورے معاملے میں 20 لوگوں کے نام سامنے آئے ہیں۔
Umesh Pal murder case | Uttar Pradesh: Bulldozer brought to demolish properties of accused, in Prayagraj, in the case who are also close aides of gangster Atique Ahmed. pic.twitter.com/4lRxWz7M8F
— ANI UP/Uttarakhand (@ANINewsUP) March 1, 2023
اس کے ساتھ اس قتل عام کو لے کر مافیا عتیق کے 10 قریبی لوگوں کی فہرست بھی تیار کر لی گئی ہے۔ جلد ہی ان تمام مکانات پر انہدام کے نوٹس چسپاں کرنے کا عمل بھی شروع کر دیا گیا ہے۔ قابل ذکر بات یہ ہے کہ اس پورے معاملے میں امیش پال کی بیوی نے مافیا عتیق احمد کی بیوی، بیٹوں اور بھائی سمیت پورے خاندان کے خلاف مقدمہ درج کرایا ہے۔
اس واقعہ کے بعد سے پریاگ راج پولس اور ایس ٹی ایف جائے وقوعہ سے لے کر لکھنؤ اور ریاست میں موجود اب تک کے تمام مقامات پر فوری کارروائی کر رہی ہے۔ بدھ کی صبح ہی لکھنؤ میں مافیا عتیق احمد کے ٹھکانوں پر ایس ٹی ایف نے چھاپے مارے ہیں، جس میں لکھنؤ کے یونیورسل اپارٹمنٹ سے 2 گاڑیاں ضبط کی گئی ہیں اور اپارٹمنٹ کو بھی سیل کر دیا گیا ہے۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
