جموں وکشمیر کے سابق وزیر اعلیٰ محبوبہ مفتی۔ (فائل فوٹو)
Target Killing in Jammu and Kashmir: جموں وکشمیر کے پلوامہ میں ایک بار پھر ٹارگیٹ کلنگ کے حادثات سامنے آئے ہیں۔ دہشت گردوں نے کشمیری پنڈت کو گولی مار کر موت کے گھاٹ اتار دیا ہے۔ مہلوک کی شناخت سنجے شرما کے نام سے ہوئی ہے، جو سیکورٹی گارڈ کے طور پر کام کرتا تھا۔ وہیں، اس ٹارگیٹ کلنگ کے حادثات پر پیپلز ڈیموکریٹک پارٹی (پی ڈی پی) صدر اور جموں وکشمیر کی سابق وزیراعلیٰ محبوبہ مفتی نے بی جے پی پر تنقید کرتے ہوئے کہا، ’انہیں فائدہ ہو رہا ہے۔ ‘
محبوبہ مفتی نے کہا، یہ حادثات صرف بی جے پی کو فائدہ پہنچا رہی ہیں۔ پھر چاہے ایسے حادثات جموں وکشمیر میں ہوں یا ہریانہ میں۔ بی جے پی اقلیتوں کی جان کا تحفظ کرنے میں ناکام رہی ہے۔ وہ صرف وادی میں عام صورتحال کو دکھانے کے لئے اقلیتوں کا استعمال کرتے ہیں۔ محبوبہ مفتی نے مزید کہا، بی جے پی اس طرح کے حادثات کا استعمال ملک میں مسلمانوں کی شبیہ خراب کرنے کے لئے کرتی ہے۔ میں اس حادثے کی مذمت کرتی ہوں۔ یہ کشمیری لوگوں کا برتاؤ نہیں ہے۔ یہ سبھی کام حکومت کی ناکامیوں کو ظاہر کرتے ہیں۔
The vicious cycle of killings doesnt seem to end. GOI has failed to protect minorities in J&K & reduced them to sitting ducks. Everyone here is paying a heavy price for this facade of normalcy. My deepest condolences to his family. https://t.co/sH0hksH0NN
— Mehbooba Mufti (@MehboobaMufti) February 26, 2023
بازار جا رہے تھے سنجے شرما
دراصل، اتوار (26 فروری) کو جنوبی کشمیر ضلع کے اچن علاقے میں سنجے شرما بازار جا رہے تھے کہ اسی دوران دہشت گردوں نے ان پر حملہ کردیا۔ سنجے شرما کو گولی مار کر دہشت گرد موقع سے فرار ہوگئے۔ شدید طور پر زخمی سنجے کو آناً فاناً میں اسپتال لے جایا گیا، جہاں ڈاکٹروں نے انہیں مردہ قرار دے دیا۔
Terrorists fired upon one civilian from minority namely Sanjay Sharma from Pulwama while on way to local market. He was shifted to hospital however, he succumbed to injuries. There was Armed guard in his village. Area cordoned off. Details shall follow: Kashmir Police pic.twitter.com/cX5m9LaXdf
— ANI (@ANI) February 26, 2023
کشمیری کے ڈی آئی جی نے کہی یہ بات
حادثہ پر جموں وکشمیر کے ڈی آئی جی رئیس احمد نے کہا، ‘آج صبح تقریباً 10:30 بجے دہشت گردانہ حملہ ہوا۔ سنجے شرما اپنی بیوی کے ساتھ بازار جا رہے تھے کہ اسی دوران ان پر حملہ کردیا’۔ جموں وکشمیر پولیس نے ٹوئٹ کرکے کہا، علاقے میں گھیرا بندی کردی گئی ہے۔ حملہ آوروں کو پکڑنے کے لئے سرچ مہم چلائی جا رہی ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
