گزشتہ ہفتے ہاتھرس میں اسکول کے ہاسٹل میں رہ کر تعلیم حاصل کرنے والے دوسری جماعت کے ایک طالب علم کو قتل کردیا گیا تھا۔ اس واقعہ سے اس وقت سنسنی پھیل گئی جب بچے کے گھر والے اسکول پہنچے تو اسکول ڈائریکٹر طالب علم کی لاش اپنی گاڑی میں لے کر بھاگ گئے۔ اس کے بعد سے پولس معاملے کی جانچ کر رہی تھی۔ اس معاملے میں پولیس نے اسکول ڈائریکٹر سمیت 5 ملزمان کے خلاف مقدمہ درج کیا ہے۔ اس کے ساتھ ہی اس حوالے سے بڑا انکشاف ہوا ہے۔ معلومات کے مطابق اسکول کی ترقی کے لیے کلاس 2 میں پڑھنے والے بچے کو (بلی دینے)قربان کرنے کا منصوبہ تھا۔ لیکن منصوبہ ناکام ہونے پر اسے گلا دبا کر قتل کر دیا گیا۔ یہ پورا معاملہ ہاتھرس ضلع کے ساہ پاؤ تھانہ علاقے کے گاؤں راسگاون کا ہے۔ ہاتھرس پولیس کے مطابق کلاس 2 کے بچے کو اسکول کے باہر ٹیوب ویل پر بلی دیاجانا تھا لیکن جب بچے کو اسکول کے کمرے سے باہر نکالا گیا تو بچہ جاگ گیا۔ اس لیے آپا دھاپی میں تین افراد نے بچے کو گلا دبا کر قتل کردیا۔
Hathras, Uttar Pradesh: Police have arrested five individuals in connection with the murder of 11-year-old Kritarth Kushwaha, a student at DL Public School in Rasgawan.
The school’s manager, Dinesh Baghel’s father, Jashodhan Singh, allegedly planned to sacrifice the child for… pic.twitter.com/Pmq8D3OqJx
— IANS (@ians_india) September 27, 2024
اسکول ڈائریکٹر کے والد تنتر منتر کرتے ہیں، معلومات کے مطابق 6 ستمبر کو راج نامی بچے کی قربانی دینے کا منصوبہ تھا، لیکن یہ منصوبہ ناکام ہوگیا۔ اسی دوران پولیس نے ملزم کو گرفتار کر کے پوچھ گچھ کی تو سارا معاملہ سامنے آیا۔ جس کے مطابق ملزم نے 6 ستمبر کو راج (9-10 سال کی عمر) نامی لڑکے کو قتل کرنے کا منصوبہ بنایا تھا۔ جب ملزمان بچے کو لے کر جا رہے تھے تو بچے نے شور مچا دیا۔ جس کے بعد اسے گلا دبا کر قتل کر دیا گیا۔
تحقیقات کے دوران اسکول کے پیچھے نصب ٹیوب ویل سے خفیہ سامان برآمد ہوا۔ جس نے اس بات کی تصدیق کی کہ اسکول میں تنتر منتر کا رواج تھا۔ قتل کے پیچھے مقصد قربانی کے ذریعے اسکول کی خوشحالی کو یقینی بنانا تھا۔ اسکول ڈائریکٹر نے اسکول کی ترقی کے لیے قرض بھی لیا تھا۔ ڈائریکٹر کا خیال تھا کہ قربانیاں دینے سے اسکول ترقی کرے گا۔ کلاس 2 میں پڑھنے والے بچے کو 22 ستمبر کو قتل کیا گیا تھا۔ اب اس معاملے میں گرفتار پانچ ملزمان سے پوچھتاچھ اور آگے کی کاروائی جاری ہے۔
بھارت ایکسپریس۔
