گروگرام، ہریانہ میں ٹریفک قوانین کی خلاف ورزی کرنے کا انجام انتہائی خطرناک دیکھنے کو ملا ہے ،چونکہ قانون کی خلاف کرکے غلط سائیڈ سے سفر کرنے کا انجام بھی غلط ہوا ہے۔ اور یہ تب ہوا جب تیز رفتار موٹر سائیکل غلط سائیڈ سے آنے والی گاڑی سے خوفناک ٹکرا گئی جس کی لائیو ویڈیو منظر عام پر آگئی ہے۔ حادثے میں ایک شخص کی موت ہو گئی۔
एक बार पहले भी लिखा था कि तेज़ सड़कों पर उल्टी दिशा में आने वाली गाड़ियों को impound कर लेना चाहिए और लाइसेंस हमेशा के लिए रद्द कर देना चाहिए। ऐसी सख़्ती नहीं होगी तो फिर इस तरह जान जाती रहेगी…
— Umashankar Singh उमाशंकर सिंह (@umashankarsingh) September 20, 2024
معلومات کے مطابق صبح سات بجے بائک سواروں کا ایک گروپ گروگرام کے گولف کورس روڈ سے جا رہا تھا۔ اس دوران ایک مہندرا کار رانگ سائیڈ سے آ رہی تھی۔ تیز رفتاری کے باعث موٹر سائیکل سوار مہندرا کار کو نہیں دیکھ سکا اور تیز رفتاری کے باعث وہ مہندرا کار سے ٹکرا گیا۔ ٹکر اتنی شدید تھی کہ موٹر سائیکل سوار نوجوان موقع پر ہی جاں بحق ہو گیا۔ ہلاک ہونے والے شخص کے پیچھے آنے والا موٹر سائیکل سوار اس پورے واقعے کی ویڈیو بنا رہا تھا، جس کی وجہ سے یہ سارا حادثہ کیمرے میں قید ہو گیا۔
حادثے میں ہلاک موٹر سائیکل سوار کی والدہ نے انصاف کا مطالبہ کیا ہے۔ انہوں نے کہا، “میں اپنے بیٹے کے لیے انصاف چاہتی ہوں، ایک غلط شخص نے میرے بیٹے کو قتل کیا،میرا بیٹا اب نہیں رہا، لیکن پولیس ہماری مدد کیوں نہیں کر رہی؟حالانکہ پولیس نے اس پورے معاملے میں ابتدائی طور پر مقدمہ درج کرلیا ہے اور ایک شخص کو حراست میں بھی لیا گیا ہے۔
بھارت ایکسپریس۔
