بنگلہ دیش پراکھلیش یادو کا پہلا ردعمل آیا سامنے! بھارتی حکومت کو بھی دی نصیحت؟
سماجوادی پارٹی کے قومی صدراوراترپردیش کے سابق وزیراعلیٰ اکھلیش یادو نے کرہل اسمبلی سیٹ سے استعفیٰ دے دیا ہے۔ اب وہ لوک سبھا میں قنوج اسمبلی حلقہ کی نمائندگی کریں گے۔ اکھلیش یادوکے علاوہ فیض آباد لوک سبھا حلقہ سے رکن پارلیمنٹ منتخب کئے گئے سماجوادی پارٹی کے رکن اسمبلی اودھیش پرساد نے بھی استعفیٰ دے دیا ہے۔
کرہل اسمبلی سیٹ پراکھلیش یادوکے استعفیٰ کے بعد اب یہ بحث شروع ہوگئی ہے کہ اس حلقہ سے ضمنی الیکشن میں سماجوادی پارٹی کا امیدوارکون ہوگا؟ ذرائع کا دعویٰ ہے کہ تیج پرتاپ یادو کو کرہل اسمبلی سیٹ سے ضمنی الیکشن لڑایا جاسکتا ہے۔ تیج پرتاپ یادو، بہارمیں راشٹریہ جنتا دل (آرجے ڈی) کے سربراہ لالو پرساد یادو کے داماد ہیں۔ تیج پرتاپ یادو کی شادی لالو پرساد یادو کی بیٹی راج لکشمی سے ہوئی ہے۔
Samajwadi Party chief Akhilesh Yadav resigns from the membership of the Legislative Assembly from Karhal constituency.
SP chief Akhilesh Yadav won the Lok Sabha elections from Kannauj seat.
(file pic) pic.twitter.com/KXaci55gmC
— ANI (@ANI) June 12, 2024
لوک سبھا الیکشن 2024 میں سماجوادی پارٹی نے قنوج لوک سبھا سیٹ سے پہلے تیج پرتاپ یادو کو ہی ٹکٹ دیا تھا۔ حالانکہ پرچہ نامزدگی داخل کرنے کے آخری دن اکھلیش یادو نے خود اس سیٹ سے پرچہ نامزدگی کی تھی۔ الیکشن میں انہوں نے بی جے پی کے امیدوار سبرت پاٹھک کو ہرایا تھا۔
