نئی دہلی: 8 اپریل بھارتی تاریخ کا وہ یادگار دن ہے جب آزادی کی پہلی چنگاری نے ایک بڑی تحریک کی شکل اختیار کی۔ سن 1857 میں آج ہی کے دن عظیم مجاہد آزادی منگل پانڈے کو بیرک پور چھاؤنی میں پھانسی دی گئی تھی۔ ان کی قربانی نے برطانوی حکومت کی بنیادیں ہلا دیں اور غلامی کی نیند سوئے بھارت کو بیدار کر دیا۔ اس موقع پر مرکزی وزیر داخلہ امت شاہ نے انہیں خراجِ عقیدت پیش کیا۔
امت شاہ کا خراجِ عقیدت
1857 की क्रांति को अपने अदम्य शौर्य से नई ऊर्जा देने वाले मंगल पांडे जी ने एक तरफ युवाओं को माँ भारती की स्वाधीनता के लिए प्रेरित किया, वहीं अपनी संस्कृति से किसी भी सूरत में समझौता नहीं किया। उनके नेतृत्व में बैरकपुर छावनी अंग्रेजी हुकूमत के खिलाफ संघर्ष की प्रतीक बन गई।… pic.twitter.com/I1vOQlXMvV
— Amit Shah (@AmitShah) April 8, 2026
امت شاہ نے سوشل میڈیا پلیٹ فارم ’ایکس‘ پر منگل پانڈے کی بہادری کو پرانام کرتے ہوئے لکھا کہ 1857 کی بغاوت کو نئی توانائی دینے والے منگل پانڈے نے نوجوانوں کو مادرِ وطن کی آزادی کے لیے تحریک دی اور اپنی ثقافت پر کسی بھی صورت سمجھوتہ نہیں کیا۔امت شاہ نے کہا کہ منگل پانڈے کی قیادت میں بیرک پور چھاؤنی برطانوی حکومت کے خلاف مزاحمت کی علامت بن گئی۔ امت شاہ نے مزید کہا کہ ان کی مادرِ وطن سے محبت، بہادری اور قربانی آج بھی قوم میں حب الوطنی کا جذبہ مضبوط کرتی ہے۔
کیسے شروع ہوئی بغاوت؟
منگل پانڈے کی بغاوت محض ایک سپاہی کا ردعمل نہیں تھی بلکہ برسوں سے دبے بھارتی خودداری کے جذبات کی آواز تھی۔ جب فوجیوں کو گائے اور سور کی چربی سے بنے کارتوس استعمال کرنے کے لیے کہا گیا تو اس سے مذہبی جذبات مجروح ہوئے۔ 29 مارچ 1857 کو منگل پانڈے نے برطانوی افسران کے خلاف کھل کر بغاوت کی اور آزادی کی تحریک کو نئی سمت دی۔
ثقافت اور آزادی کا سنگم
منگل پانڈے کا احتجاج صرف سیاسی نہیں بلکہ ثقافتی بھی تھا۔ وہ سمجھتے تھے کہ کسی بھی قوم کی بقا اس کی روایات اور اقدار سے جڑی ہوتی ہے۔ 8 اپریل 1857 کو جب انہیں پھانسی دی گئی تو انگریزوں کو لگا کہ بغاوت ختم ہو گئی، لیکن ان کی شہادت نے پورے ملک میں انقلاب کی چنگاری پھیلا دی، جو بعد میں 1857 کی بغاوت کی شکل اختیار کر گئی۔منگل پانڈے کی قربانی آج بھی نوجوانوں کے لیے مشعلِ راہ ہے۔ ان کی زندگی یہ سبق دیتی ہے کہ جب بات وطن کی ہو تو ہر قربانی چھوٹی لگتی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
