Bharat Express DD Free Dish

Rajya Sabha Election 2026

جے ڈی یو نے پارٹی لیڈران کی اہم میٹنگ بلائی ہے، جس میں مانا جا رہا ہے کہ انہیں اس بارے میں بتایا جائے گا کہ نتیش کمار نے کن وجوہات سے راجیہ سبھا جانے کا فیصلہ لیا ہے۔ ساتھ ہی یہ بھی بتایا جائے گا کہ بھلے نتیش کمار راجیہ سبھا جا رہے ہوں، لیکن بہارحکومت پر ان کی نگرانی رہے گی۔

نتیش کمار کے راجیہ سبھا جانے کے فیصلے سے متعلق تیجسوی یادو برہم ہوگئے ہیں۔ انہوں نے کہا کہ ہم نے پہلے ہی کہا تھا کہ نتیش کمار اب سی ایم نہیں رہیں گے۔ بی جے پی ربراسٹیمپ والا سی ایم بناتی ہے۔

نتیش کمارکو پرچہ نامزدگی داخل کرنے کے لئے نہیں جانے دینے کی بات پرجے ڈی یو لیڈر نے کہا، "ہم لوگ یہیں پربنے رہیں گے اورانہیں (نتیش کمار) پرچہ نامزدگی داخل کرنے کے لئے نہیں جانے دیں گے۔ نشانت کمار کی پرچہ نامزدگی ہوگی، لیکن نتیش کمارکو ہم جانے نہیں دیں گے۔"

راجیہ سبھا انتخابات کے لیے نامزدگی داخل کرنے کی آخری تاریخ 5 مارچ مقرر کی گئی ہے۔ 6 مارچ کو نامزدگی فارموں کی جانچ کی جائے گی جبکہ 9 مارچ تک امیدوار اپنے کاغذات نامزدگی واپس لے سکتے ہیں۔ اس کے بعد 16 مارچ کو صبح 9 بجے سے شام 4 بجے تک ووٹنگ ہوگی اور اسی دن شام 5 بجے سے ووٹوں کی گنتی شروع کر دی جائے گی۔

جے ڈی یو سے راجیہ سبھا جانے سے متعلق نتیش کمار کے بیٹے نشانت کمار کی پرچہ نامزدگی سے متعلق کاغذات ابھی تک تیار نہیں ہیں۔ اس لئے ذرائع کے مطابق، نتیش کمار راجیہ سبھا جاسکتے ہیں اور نشانت کو نائب وزیراعلیٰ بنایا جاسکتا ہے۔

 بی جے پی نے مہاراشٹر سے راجیہ سبھا کے لئے 4 امیدواروں کا اعلان کیا ہے۔ پارٹی کی سینٹرل الیکشن کمیٹی کے ذریعہ جاری فہرست میں ریپبلکن پارٹی آف انڈیا کے لیڈراور مرکزی وزیر مملکت رام داس اٹھاولے کا نام بھی شامل ہے۔

بی جے پی نے راجیہ سبھا الیکشن کے لئے اپنے 9 امیدواروں کے ناموں کا اعلان کردیا ہے۔ بی جے پی نے پارٹی کے قومی صدر نتن نبین کو بھی میدان میں اتارا ہے۔ بی جے پی نے بہار سے نتن نوین اور شیویش رام کو راجیہ سبھا کا امیدوار بنایا ہے۔

اپیندرکشواہا کی پارٹی نے بہاراسمبلی الیکشن میں 4 سیٹیں جیتی تھیں۔ اسی وقت سے اس بات کی قیاس آرائی کی جا رہی تھی کہ ان کو راجیہ سبھا اور ایم ایل سی کی بھی ایک سیٹ دی جائے گی۔