بی سی سی آئی نے شبمن گل کی انجری کے حوالے سے ایک باضابطہ بیان جاری کرتے ہوئے کہا کہ وہ اسپتال میں ہیں۔ شبمن گل کولکتہ کے ایڈن گارڈنز میں کھیلے جانے والے پہلے ٹیسٹ سے باہر ہو گئے ہیں، اب اس ٹیم کی کپتانی ریشبھ پنت کر رہے ہیں۔ ٹسٹ کے دوسرے دن بیٹنگ کے دوران گل کو گردن میں درد ہوا ،جس کے بعد وہ ریٹائر ہرٹ ہوکر میدان سے باہر چلے گے۔
شبمن گل کی انجری پر بی سی سی آئی کاباضابطہ بیان
🚨 Update 🚨
Captain Shubman Gill had a neck injury on Day 2 of the ongoing Test against South Africa in Kolkata. He was taken to the hospital for examination after the end of day’s play.
He is currently under observation in the hospital. He will take no further part in the… pic.twitter.com/o7ozaIECLq
— BCCI (@BCCI) November 16, 2025
بی سی سی آئی نے اپنے بیان میں کہا، “کپتان شبمن گل کولکتہ میں جنوبی افریقہ کے خلاف جاری ٹیسٹ میچ کے دوسرے دن گردن میں انجری کا شکار ہو گئے تھے۔ انہیں دن کے کھیل کے بعد تشخیص کے لیے اسپتال لے جایا گیا تھا۔ وہ اس وقت اسپتال میں ہیں۔ وہ پہلے ٹیسٹ سے باہر ہو گئے ہیں۔ بی سی سی آئی کی میڈیکل ٹیم ان کی نگرانی کررہی ہے ۔”
ٹیم انڈیا مضبوط پوزیشن میں
کولکتہ ٹیسٹ میں ٹیمبا باوما نے ٹاس جیت کر پہلے بیٹنگ کا فیصلہ کیا۔ جنوبی افریقہ کی ٹیم پہلی اننگز میں 159 رنز پر ڈھیر ہوگئی، جسپریت بمراہ نے پانچ وکٹیں حاصل کیں۔ قابل ذکر بات یہ ہے کہ بھارت کو پہلی اننگز میں صرف 30 رنز کی برتری حاصل ہوئی، اور وہ 189 رنز پر آل آؤٹ ہو گئی۔ پہلی اننگز میں بھارت کے لیے کے ایل راہل (39) نے سب سے زیادہ رنز بنائے، جب کہ سائمن ہارمر نے چار وکٹیں حاصل کیں۔ دوسرے دن رویندرا جدیجا نے شاندار بولنگ کرتے ہوئے جنوبی افریقہ کی دوسری اننگز میں چار وکٹیں حاصل کیں۔ دوسرے دن کے اختتام تک جنوبی افریقہ نے 93 رنز بنا لیے تھے، لیکن ان کی سات وکٹیں گر چکی تھیں۔ یہ دیکھنا باقی ہے کہ جنوبی افریقہ بھارت کے لیے کیا ہدف رکھتا ہے۔ اب تک ٹیم انڈیا کا پلڑا بھاری ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
