پاکستانی کرکٹر سعود شکیل نے ایسا کارنامہ انجام دیا ہے، جو 146 سال کی ٹسٹ کرکٹ کی تاریخ میں کوئی دوسرا بلے باز نہیں کرسکا۔
Sri Lanka vs Pakistan, Saud Shakeel Record: سری لنکا اور پاکستان کے درمیان کولمبو میں کھیلے جا رہے دوسرے ٹسٹ میں نصف سنچری لگاکر سعود شکیل نے تاریخ رقم کردی ہے۔ دراصل، سعود شکیل اب ٹسٹ کرکٹ کی تاریخ میں پہلے سات ٹسٹ میں نصف سنچری لگانے والے دنیا کے پہلے کرکٹر بن گئے ہیں۔ اب تک کوئی بھی بلے باز ایسا نہیں کرسکا تھا۔
27 سال کے سعود شکیل نے اپنے ٹسٹ کیریئر کے ابتدائی سبھی سات ٹسٹ میچوں میں 50 یا اس سے زیادہ کا اسکور بنایا ہے۔ اس کے ساتھ ہی ان کے نام ورلڈ ریکارڈ درج ہوگیا ہے۔ سعود ٹسٹ کرکٹ کی تاریخ میں ایسا کرنے والے دنیا کے پہلے بلے باز بن گئے ہیں۔ ان سے پہلے کوئی بھی بلے باز یہ کارنامہ انجام نہیں دے سکا تھا۔
76 in 1st Test.
63 & 94 in 2nd Test.
53 in 3rd Test.
55* in 4th Test.
125* in 5th Test.
208* in 6th Test.
53* in 7th Test.Saud Shakeel becomes the first player in Test history to score 50 each in the first 7 Tests. pic.twitter.com/rxS7h3IGJ4
— Johns. (@CricCrazyJohns) July 26, 2023
پاکستان کی گرفت میں ہے دوسرا ٹسٹ
دوسرے ٹسٹ کی پہلی اننگ میں سری لنکائی ٹیم صرف 166 رنوں پر آل آؤٹ ہوگئی تھی۔ اس کے بعد خبرلکھے جانے تک پاکستان نے اپنی پہلی اننگ میں 4 وکٹ پر 344 رن بنا لئے ہیں۔ پاکستان کی سبقت اب 178 رنوں کی ہوچکی ہے۔ سلامی بلے باز عبداللہ شفیق 165 اور سرفرازاحمد 14 رنوں پر کھیل رہے ہیں۔ واضح رہے کہ دوسرے ٹسٹ کا دوسرا دن بارش سے خراب ہوگیا تھا۔ بارش کی وجہ سے دوسرے دن صرف 10 اوور کا ہی کھیل ہوسکا تھا۔
بھارت ایکسپریس۔
