روہت شرما کو آخری الیون میں جگہ نہیں ملی تھی۔
Rohit sharma Impact Player: آئی پی ایل 2024 کے 51ویں مقابلے میں جمعہ کے روز کولکاتا نائٹ رائیڈرس نے ممبئی انڈینس کو 24 رنوں سے شکست دی تھی۔ اس مقابلے میں ممبئی انڈینس کے سابق کپتان روہت شرما کو پلیئنگ الیون میں جگہ نہیں ملی تھی۔ وہ بطور امپیکٹ پلیئر بلے بازی کرنے آئے تھے۔ ایسے میں اب ٹیم کے تجربہ کار اسپنرپیوش چاؤلہ نے انکشاف کیا ہے کہ روہت شرما کو پلیئنگ الیون میں جگہ کیوں نہیں ملی تھی۔ پیوش چاؤلہ نے بتایا کہ پیٹھ میں ہلکی جکڑن کی وجہ سے روہت شرما نے امپیکٹ پلیئرکے طور پر کھیلا۔
روہت شرما کا نہیں چلا تھا بلّا؟
مقابلے میں روہت شرما کی کارکردگی کچھ خاص نہیں رہی۔ انہوں نے ایک چھکے کی مدد سے 12 گیندوں پر 11 رن بنائے۔ سنیل نرین نے ایک بارپھرانہیں اپنا شکاربنایا۔ گزشتہ کچھ مقابلوں سے روہت شرما کا بلّا خاموش ہے۔ انہوں نے لکھنؤ سپرجائنٹس کے خلاف 4، دہلی کیپٹلس کے خلاف 8، راجستھان رائلس کے خلاف 6 اور پنجاب کنگس کے خلاف 36 رن بنائے تھے۔ روہت شرما نے اب تک کھیلے 11 مقابلوں میں 32.60 کی اوسط اور 154.50 کی اسٹرائیک ریٹ سے 326 رن بنائے ہیں۔ اس دوران انہوں نے ایک سنچری بھی لگائی ہے۔
Matchday pulse alongside our Paltan’s unwavering support at Wankhede 🏟️➡️ https://t.co/dXXLmSxQnk
Watch the full #MIDaily video, only on our website and MI app 📲🎥#MumbaiMeriJaan #MumbaiIndians pic.twitter.com/8w3zfunDMI
— Mumbai Indians (@mipaltan) May 4, 2024
مقابلے کا حال
مقابلے کی بات کریں تو ٹاس ہارکرپہلے بلے بازی کرنے اتری کولکاتا نائٹ رائیڈرس 169 رنوں پرسمٹ گئی تھی۔ وینکٹیش ایئرنے سب سے زیادہ 70 رن بنائے تھے۔ ان کے علاوہ منیش پانڈے نے 31 گیندوں پر 42 رنوں کی اننگ کھیلی تھی۔ ممبئی انڈینس کی طرف سے جسپریت بمراہ اور نوان تشارا کو3-3 کامیابیاں ملی تھیں۔ وہیں کپتان ہاردک پانڈیا نے 2 وکٹ حاصل کئے تھے۔ جواب میں ممبئی انڈینس 18.5 اوورمیں 145 رن ہی بناسکی۔ سوریہ کماریادوکے علاوہ کسی بھی بلے بازکچھ خاص نہیں کرپایا۔ اسکائی نے 35 گیندوں پر 56 رنوں کی اننگ کھیلی۔
