ایشین گیمز 2026 میں منگل کو بھارت کی پوجا نے خواتین کے ہائی جمپ مقابلے میں برونز میڈل جیت کر 24 سال سے جاری انتظار ختم کردیا۔ پوجا نے فائنل میں 1.84 میٹر کی چھلانگ لگائی اور تیسری پوزیشن حاصل کی۔ ازبکستان کی سیفُلّائیوا نے 1.90 میٹر کی اپنی ذاتی بہترین کارکردگی کے ساتھ گولڈ میڈل جیتا، جبکہ قازقستان کی کرسٹینا اووچنکوا نے 1.87 میٹر کی چھلانگ کے ساتھ سلور میڈل اپنے نام کیا۔ پوجا نے 1.84 میٹر کی بلندی عبور کرنے کے بعد برتری برقرار رکھی، لیکن تین کوششوں کے باوجود 1.87 میٹر کی بلندی عبور نہیں کر سکیں اور انہیں برونز میڈل پر اکتفا کرنا پڑا۔
خواتین کے ہائی جمپ میں بھارت کا پہلا برونز
پوجا کا یہ میڈل ایشین گیمز میں خواتین کے ہائی جمپ مقابلے میں بھارت کا پہلا برونز میڈل ہے۔ اس سے قبل بوبی الویسیئس نے 2002 میں اس مقابلے میں سلور میڈل جیتا تھا۔ 19 سالہ پوجا نے اس سے قبل انڈر-20 ایتھلیٹکس چیمپئن شپ میں 1.93 میٹر کی چھلانگ لگا کر سہانا کماری کا 14 سال پرانا قومی ریکارڈ توڑا تھا۔ ان کی حالیہ کارکردگی نے بھارتی ایتھلیٹکس میں ہائی جمپ کے شعبے میں ایک اہم سنگِ میل قائم کیا ہے۔
سرویش کشارے نے بھی ہائی جمپ میں جیتا سلور
پوجا سے ایک روز قبل پیر کو سرویش کشارے نے مردوں کے ہائی جمپ مقابلے میں سلور میڈل جیتا تھا۔ کشارے نے 2.25 میٹر کی بہترین چھلانگ کے ساتھ پوڈیم پر جگہ بنائی۔ کشاریے کی بہترین کارکردگی گولڈ میڈل جیتنے والے چینی تائپے کے چاؤ ہسوان فو کے برابر رہی، لیکن چاؤ نے 2.25 میٹر کی بلندی اپنی پہلی ہی کوشش میں عبور کرلی، جبکہ کشارے کو یہ بلندی عبور کرنے کے لیے دو کوششیں کرنا پڑیں۔ جمہوریہ کوریا کے سانگ ہائیوک وو نے 2.22 میٹر کی چھلانگ کے ساتھ برونز میڈل جیتا۔
کشارے نے مضبوط شروعات کی
سرویش کشارے نے مقابلے کا آغاز شاندار انداز میں کیا اور اپنی پہلی ہی کوشش میں 2.10 میٹر کی بلندی عبور کرلی۔ اس کے بعد انہوں نے 2.14، 2.18 اور 2.22 میٹر کی بلندی بھی پہلی کوشش میں پار کرکے اپنی بہترین تال برقرار رکھی اور کافی دیر تک سرفہرست رہے۔ چاؤ کو 2.18 میٹر کی بلندی عبور کرنے کے لیے دو کوششیں کرنا پڑی تھیں، لیکن اس کے بعد انہوں نے 2.25 میٹر کو پہلی ہی کوشش میں عبور کرکے اس سیزن کی اپنی بہترین کارکردگی پیش کی اور برتری حاصل کرلی۔
2.28 میٹر پر دونوں ناکام، چاؤ نے گولڈ جیتا
دونوں ایتھلیٹس کے 2.25 میٹر عبور کرنے کے بعد مقابلہ 2.28 میٹر کی بلندی تک پہنچا، لیکن تین، تین کوششوں کے باوجود کوئی بھی کھلاڑی یہ بلندی عبور نہیں کر سکا۔ اس کے نتیجے میں چاؤ ہسوان فو نے پہلی پوزیشن برقرار رکھتے ہوئے گولڈ میڈل جیتا، جبکہ سرویش کشارے کو سلور میڈل پر اکتفا کرنا پڑا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
