پی سی بی چیئرمین نجم سیٹھی اور بی سی سی آئی سکریٹری جے شاہ۔
Asia Cup 2023: ایشیا کپ کے لئے جمعرات کو تاریخوں کا اعلان کردیا گیا۔ یہ ٹورنا منٹ پاکستان اور سری لنکا میں پی سی بی کے ذریعہ مجوزہ ایک ہائی برڈ ماڈل کے تحت 31 اگست سے 17 ستمبر تک کھیلا جائے گا۔ ایشیا کپ کے چار میچ پاکستان میں کھیلے جائیں گے اور باقی سری لنکا کی میزبانی میں ہوں گے۔ وہیں ٹورنا منٹ کے لئے تاریخوں کے اعلان کے بعد پی سی بی سربراہ نجم سیٹھی نے جمعرات کو کہا کہ وہ بی سی سی آئی کی صورتحال کو سمجھتے ہیں۔ ہائی برڈ ماڈل ایشیا کپ 2023 کی میزبانی کے لئے سب سے ایک قابل عمل حل تھا۔
نجم سیٹھی کا تبصرہ ایشیائی کرکٹ کونسل (اے سی سی) کے ذریعہ 2023 ایشیا کپ کی میزبانی پاکستان اور سری لنکا کے ذریعہ 31 اگست سے 17 ستمبر تک ہائی برڈ ماڈل میں منعقد کئے جانے کے کچھ گھنٹوں بعد آیا۔ سال 2008 کے بعد یہ پہلی بار ہوگا کہ پاکستان میں ایک ملٹی نیشنل کرکٹ ٹورنامنٹ کے میچوں کا انعقاد کیا جائے گا۔
کرکٹ کے شائقین کے لیے بڑی خوشخبری
ایشیا کپ ایک بار پھر پاکستان میں۔ پاکستان کرکٹ بورڈ کی مینجمنٹ کمیٹی کے چیئرمین نجم سیٹھی کا پیش کردہ ہائبرڈ ماڈل منظور, ایشیا کپ31 اگست سے17 ستمبر تک ہوگا۔ ابتدائی میچز پاکستان میں ہونگے جس کے بعد بقیہ میچز سری لنکا میں کھیلے جائیں گے۔ pic.twitter.com/r9jUZ8jCGX— Pakistan Cricket (@TheRealPCB) June 15, 2023
پی سی بی سربراہ نے فیصلے پر خوشی کا اظہار کیا
نجم سیٹھی نے کہا، ”مجھے خوشی ہے کہ اے سی سی ایشیا کپ 2023 کے لئے ہمارے ہائی برڈ ایڈیشن کو قبول کرلیا گیا ہے۔ اس کا مطلب ہے کہ پی سی بی ایونٹ ہوسٹ کے طور پر رہے گا اور سری لنکا کے ساتھ ایک غیر جانبدار مقام کے طور پرمیچوں کا انعقاد کرے گا، جو ہندوستانی ٹیم کی پاکستان جانے میں معذرت کے سبب ضروری تھا۔“ نجم سیٹھی نے کہا، ”ہمارے جوشیلے مداح 15 سال میں پہلی بار ہندوستانی کرکٹ ٹیم کو پاکستان میں ایکشن دیکھنا پسند کرتے، لیکن ہم بی سی سی آئی کی صورتحال کو سمجھتے ہیں۔ پی سی بی کی طرح، بی سی سی آئی کو بھی سرحد پار کرنے سے پہلے حکومت کی منظوری کی ضرورت ہوتی ہے۔“
جے شاہ کی تعریف کی
نجم سیٹھی نے ساتھ ہی اے سی سی کے صدر جے شاہ کی تعریف کرتے ہوئے کہا، ”اے سی سی کو مضبوط کرنے کے لئے میں جے شاہ کی کوششوں کی سراہنا کرتا ہوں۔ ہماری کوشش اجتماعی طور پر ایک دوسرے کے مفادات کا تحفظ کرنا اور ابھرتے ہوئے ایشیائی ممالک کو اسٹیج فراہم کرنا ہے۔“
بھارت ایکسپریس۔
