کے ایل راہل نے آئی پی ایل 2026 کے 51ویں میچ میں ایک بڑا ریکارڈ اپنے نام کر لیا۔ جمعہ کے روز دہلی کیپٹلس اور کولکتہ نائٹ رائیڈرز کے درمیان ارون جیٹلی کرکٹ اسٹیڈیم میں کھیلے جا رہے مقابلے میں راہل نے وہ کارنامہ انجام دیا، جو اب تک آئی پی ایل کی تاریخ میں کوئی بھی بلے باز حاصل نہیں کر سکا تھا۔
تین مختلف فرنچائزز کے لیے ایک ہزار رنز
کے ایل راہل آئی پی ایل میں تین الگ الگ فرنچائزز کی جانب سے ایک ہزار یا اس سے زیادہ رنز بنانے والے پہلے بلے باز بن گئے ہیں۔ کے کے آر کے خلاف 14 گیندوں پر 23 رنز کی اننگز کھیلتے ہوئے انہوں نے دہلی کیپیٹلس کے لیے اپنے ایک ہزار رنز بھی مکمل کر لیے۔ اس سے قبل راہل پنجاب کنگز کی طرف سے 2548 رنز بنا چکے ہیں، جبکہ لکھنؤ سپر جائنٹس کے لیے کھیلتے ہوئے انہوں نے 1410 رنز اسکور کیے تھے۔
دہلی کیپیٹلس کے لیے تیز ترین ایک ہزار رنز
کے ایل راہل دہلی کیپیٹلس کی جانب سے آئی پی ایل میں سب سے تیز ایک ہزار رنز مکمل کرنے والے بلے باز بھی بن گئے ہیں۔ انہوں نے یہ سنگ میل صرف 23ویں اننگز میں حاصل کیا۔ اس معاملے میں انہوں نے رشب پنت کو پیچھے چھوڑ دیا، جنہوں نے دہلی کیپیٹلس کے لیے 35 اننگز میں ایک ہزار رنز مکمل کیے تھے۔
دہلی کیپیٹلس کی اننگز کا حال
ٹاس ہارنے کے بعد پہلے بیٹنگ کرنے اتری دہلی کیپیٹلس کو کے ایل راہل اور پاتھم نسانک نے محتاط مگر مضبوط آغاز فراہم کیا۔ دونوں بلے بازوں نے پہلے وکٹ کے لیے 30 گیندوں پر 49 رنز کی شراکت قائم کی۔ راہل 4 چوکوں کی مدد سے 23 رنز بنا کر کارتک تیاگی کا شکار بنے۔ دوسری جانب نتیش رانا بیٹنگ میں زیادہ متاثر نہ کر سکے اور صرف 8 رنز بنا کر آؤٹ ہو گئے۔
نارائن کی شاندار بولنگ، نسنکا کی ففٹی
سمیر رضوی کو سنیل نارائن نے 3 رنز پر پویلین واپس بھیج دیا، جبکہ ٹرسٹن اسٹبس صرف 2 رنز ہی بنا سکے۔ پاتھم نسنکا نے شاندار بیٹنگ کرتے ہوئے 29 گیندوں پر 50 رنز کی اننگز کھیلی، جس میں 5 چوکے اور 3 چھکے شامل تھے۔
پلیئنگ الیون میں دو تبدیلیاں
اس میچ کے لیے دہلی کیپیٹلس نے اپنی پلیئنگ الیون میں دو تبدیلیاں کیں۔ کرون نائر کی جگہ وپراج نگم کو موقع دیا گیا، جبکہ ٹی نٹراجن کی مکیش کمار کو ٹیم میں شامل کیا گیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
