موہت شرما نے آخری اوور میں شاندار کارکردگی پیش کی۔ (IPL Twitter)
گجرات ٹائٹنس نے اپنے چھٹے مقابلے میں لکھنو کی ٹیم کو ان کے ہوم گراونڈ پرٹکردی۔ پہلے بلے بازی کرنے اتری گجرات کی ٹیم تیز شروعات کرنے میں کامیاب نہیں ہوسکی۔ نوجوان بیٹر شبھمن گل ڈک آوٹ ہوکرپویلین لوٹ گئے۔ کپتان ہاردک پانڈیا اورردھمان ساہا نے ذمہ داری نبھاتے ہوئے شاندار اننگ کھیلیں۔ ان کے علاوہ کوئی بھی بیٹر دہائی کا اعدادوشمار پار نہیں کرسکا۔ گجرات کے سلامی بلے باز بیٹرردھمان ساہا اپنی نصف سنچری سے محض 3 رن دور رہ گئے، لیکن ہاردک پانڈیا نے ٹیم کی امید جگائے رکھی۔
ردھمان ساہا نے سوجھ بوجھ والی بلے بازی کی اور 66 رنوں کی شاندار اننگ کھیلی۔ ہاردک پانڈیا کی اس اننگ میں 2 چوکے اور 4 چھکے شامل تھے، جس کے بعد گجرات ٹائٹنس نے لکھنو کے سامنے 136 رنوں کا ہدف رکھ دیا۔ لکھنو کی بلے بازی شروع ہوتے ہی میچ یکطرفہ نظرآیا ہے۔ کائل میئرس اور کے ایل راہل نے مشکل پچ پراپنی ٹیم کو اچھی شروعات دی، لیکن اننگ کے آخرمیں میچ کی بازی موہت شرما نے پلٹ دی۔
آخری اوور میں گرے 4 وکٹ
لکھنو کی ٹیم کوآخری اوور میں 12 رنوں کی ضرورت تھی اور گیند آئی پی ایل کے درمیان میں آئے روہت شرما کے ہاتھ میں تھی۔ اس کھلاڑی نے اس اوور میں میچ کی سمت کو پوری طرح سے پلٹ دیا۔ انہوں نے پہلے 68 رنوں پر بلے بازی کر رہے کپتان کے ایل راہل کو پویلین بھیجا۔ اس کے بعد مارکس اسٹوئنس کو بھی پہلی گیند پر آوٹ کیا۔ وہیں اوور کی تیسری گیند پر آیوش بڈونی اور دیپک ہڈا رن آوٹ ہوکرپویلین لوٹ گئے۔ اس میچ کو گجرات نے 7 رن سے اپنے نام کیا۔ گزشتہ میچ میں ہارجھیلنے کے بعد گجرات نے شاندار واپسی کی۔
-بھارت ایکسپریس
