ایشین کرکٹ کونسل کے سالانہ اجلاس میں بڑا فیصلہ کیا گیا ہے۔ دراصل، بی سی سی آئی کے سکریٹری جے شاہ ایشین کرکٹ کونسل کے صدر فی الحال برقراررہیں گے۔ جے شاہ مسلسل تیسری بار ایشین کرکٹ کونسل کے صدر منتخب ہوگئے ہیں۔ ایشین کرکٹ کونسل کے سالانہ اجلاس میں اس کی منظوری دی گئی ہے۔سری لنکا کرکٹ کے صدر شمی سلوا نے جے شاہ کا نام تجویز کیاتھا۔سری لنکا کرکٹ کے صدر شمی سلوا نے جے شاہ کی مدت ملازمت میں توسیع کی تجویز پیش کی۔ اس سے پہلے بھی شمی سلوا نے جئے شاہ کا نام آگے بڑھایا تھا۔ اس کے بعد دیگر تمام اراکین نے متفقہ طور پر جئے شاہ کے نام کی منظوری دی۔
Jay Shah’s term as the president of the Asian Cricket Council (ACC) unanimously extended by one year at its Annual General Meeting.
(File photo) pic.twitter.com/jaip3Bsyzt
— ANI (@ANI) January 31, 2024
جے شاہ نے جنوری 2021 میں پہلی بار ایشین کرکٹ کونسل کے صدر کا عہدہ سنبھالاتھا۔ اس سے قبل بنگلہ دیش کرکٹ بورڈ کے صدر نظم الحسن ایشین کرکٹ کونسل کی صدارت کی باگ ڈور سنبھال رہے تھے۔آپ کو بتادیں کہ اس وقت ایشین کرکٹ کونسل کا سالانہ اجلاس انڈونیشیا کے بالی میں جاری ہے۔ اس اجلاس میں ایشین کرکٹ کونسل کے تمام ممبران شرکت کر رہے ہیں۔ میڈیا رپورٹس کے مطابق ایشین کرکٹ کونسل کے چیئرمین کے علاوہ اس میٹنگ میں میڈیا رائٹس پر بات چیت جاری ہے۔
ساتھ ہی اس سے قبل ایشیا کپ کے حوالے سے ایشین کرکٹ کونسل کے سالانہ اجلاس میں اہم فیصلہ کیا گیا تھا۔ دراصل ایشیا کپ 2025 ون ڈے کے بجائے ٹی 20 فارمیٹ میں کھیلا جائے گا۔ تاہم ایشیا کپ 2024 ون ڈے فارمیٹ میں کھیلا گیا۔ اس کی میزبانی سری لنکا نے کی۔ ساتھ ہی یہ خیال کیا جا رہا ہے کہ ایشیا کپ 2025 عمان اور متحدہ عرب امارات میں کھیلا جا سکتا ہے۔
بھارت ایکسپریس۔
