RCB Opener Finger Injury: رائل چیلنجرس بنگلورو(آرسی بی) آئی پی ایل 2026 کے پلے آف میں جگہ بنانے والی پہلی ٹیم بنی تھی۔ رجت پاٹیدارکی کپتانی والی آرسی بی آخری لیگ میچ آج (22 مئی) سن رائزرس حیدرآباد کے خلاف کھیل رہی ہے۔ اس مقابلے کی شروعات سے پہلے کپتان رجت پاٹیدارنے بتایا کہ ان کی ٹیم کے اسٹارسلامی بلے بازکوچوٹ لگ گئی ہے۔ یہ واقعی ٹیم کے لئے پلے آف سے پہلے بڑا جھٹکا ثابت ہوسکتا ہے۔ دراصل، ٹیم کے لئے بطورسلامی بلے بازکھیلنے والے انگلش کھلاڑی جیکب بیتھل کوانگلی میں چوٹ لگ گئی ہے، جس کی جانکاری پاٹیدارنے دی۔
بیتھل کی چوٹ پرکپتان نے کیا کہا؟
ٹاس کے وقت بات کرتے ہوئے رجت پاٹیدارنے کہا کہ ٹیم میں ایک تبدیلی ہے۔ جیکب بیتھل کو چوٹ لگ گئی ہے۔ انہیں انگلی میں چوٹ لگی ہے اوران کی جگہ میں ٹیم میں آیا ہوں۔ واضح رہے کہ 17 مئی کے پنجاب کنگس کے خلاف کھیلے گئے گزشتہ میچ میں بنگلوروکے مستقل کپتان رجت پاٹیدارنہیں کھیلے تھے۔ ان کی جگہ جتیش شرما نے ٹیم کی کمان سنبھالی تھی۔ اب رجت پاٹیدارکی واپسی ہوچکی ہے۔
سالٹ کی جگہ بیتھل کو ملا تھا موقع
بنگلوروکے لئے وراٹ کوہلی اورفل سالٹ اوپننگ کی ذمہ داری نبھاتے ہیں۔ تاہم سیزن کے درمیان سامنے آئی خبرمیں پتہ چلا کہ سالٹ انگلی کی چوٹ (فنگرانجری) کی وجہ سے انگلینڈ لوٹ گئے۔ سالٹ کی جگہ ٹیم میں بیتھل کو سلامی بلے بازی سونپی گئی۔ بیتھل نے 7 میچ کھیل لئے ہیں، جس میں انہوں نے 96 رن بنائے ہیں۔
جیکب بیتھل کی واپسی ہونا ممکن؟
سالٹ نے آخری مقابلہ 18 اپریل کوکھیلا تھا۔ اب ان کی جگہ لینے والے بیتھل بھی زخمی ہوگئے ہیں۔ حالانکہ بیتھل سے متعلق کپتان رجت پاٹیدارنے یہ نہیں بتایا کہ ان کی واپسی کب ہوگی۔ اب دیکھنا دلچسپ ہوگا کہ پلے آف تک اگردونوں ہی انگلش کھلاڑیوں کی واپسی نہیں ہوتی ہے توپھراس پریشانی کو کس طرح سے سنبھالے گی۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
