بی سی سی آئی نے آئی پی ایل 2025 کو منسوخ کرنے کا فیصلہ کیا ہے۔
ہندوستان ار پاکستان کے درمیان کشیدگی میں اضافہ ہونے کی وجہ سے بی سی سی آئی نے بڑا فیصلہ لیا ہے۔ آئی پی ایل 2025 کو معطل کردیا گیا ہے۔ بی سی سی آئی نے اس کا باضابطہ اعلان کردیا ہے۔ آپریشن سندورکے بعد پاکستان نے ہندوستان کے کئی شہروں پر ڈرون اور میزائل سے حملے کئے۔ حالانکہ ہندوستان نے پاکستان کوزبردست جواب دیتے ہوئے اس کی میزائل اورڈرون مارگرائے، لیکن اس حملے کا اثرآئی پی ایل پر دیکھنے کوملا تھا۔ سیزن کا 58واں میچ پنجاب کنگس اوردہلی کیپٹلس کے درمیان دھرمشالہ میں کھیلا جا رہا تھا، جسے بیچ میں ہی روک دیا گیا تھا۔ دھرمشالہ میں میچ منسوخ کئے جانے کے بعد سبھی کھلاڑیوں کو ٹرین کے ذریعہ دہلی لایا گیا ہے۔
آئی پی ایل 2025 کو کیا گیا معطل
قابل ذکرہے کہ 22 اپریل کو پہلگام میں ہوئے دہشت گردانہ حملے کے بعد ہندوستان نے پاکستان کے خلاف سخت فیصلے لئے ہیں۔ ہندوستان نے آپریشن سندور کے تحت پاکستان اورپاک مقبوضہ کشمیر (پی اوکے) میں 9 دہشت گردانہ ٹھکانوں پر حملے کئے، جس کے بعد سے ہی پاکستان بوکھلا گیا ہے۔ وہ ایک کے بعد ایک کئی ناپاک حرکتیں کرچکا ہے، جس کا اسے منہ توڑ جواب بھی ملا ہے۔ ایسے میں مرکزاور سبھی فرنچائزی اوراسٹیک ہولڈرسے صلاح لینے کے بعد آئی پی ایل کو معطل کرنے کا فیصلہ لیا گیا ہے۔ یعنی بعد میں باقی کے میچوں کو کروایا جائے گا۔ باقی کے میچ کب اورکہاں کھیلے جائیں گے، اس پرفی الحال فیصلہ نہیں لیا گیا ہے۔
حال ہی میں خبریں سامنے آئی تھیں کہ ٹورنا منٹ میں کھیل رہے غیرملکی کھلاڑی اپنے ملک لوٹنے کی خواہش ظاہرکررہے ہیں۔ ایسے میں بی سی سی آئی اب جلد ازجلد غیرملکی کھلاڑیوں کو اپنے ملک بھیجے گی۔ واضح رہے کہ غیرملکی کھلاڑیوں کے ساتھ ان کی فیملی بھی اس وقت ہندوستان میں ہیں۔ ایسے میں بی سی سی آئی کوئی بھی خطرہ مول نہیں لینا چاہتی ہے۔ بی سی سی آئی کے ایک افسرنے لیگ کے معطل ہونے کی تصدیق کرتے ہوئے پی ٹی آئی کوبتایا کہ یہ اچھا نہیں لگتا کہ جب ملک جنگ میں ہے، تب کرکٹ چلتا رہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
