Harshit Rana KKR IPL 2024: کولکاتا نائٹ رائیڈرس نے آئی پی ایل 2024 میں شاندار کارکردگی کا مظاہرہ کیا۔ اس نے فائنل میچ میں سن رائزرس حیدرآباد کو ہراکر خطاب اپنے نام کیا۔ کولکاتا نائٹ رائیڈرس کے لئے اس سیزن میں ہرشت رانا نے بہترین گیند بازی کی۔ کولکاتا نائٹ رائیڈرس کی جیت میں ان کا اہم کردار رہا۔ ہرشت رانا کے پرفارمنس کو دیکھتے ہوئے انہیں ٹیم انڈیا میں جلد ہی جگہ مل سکتی ہے۔ ہرشت رانا نے آئی پی ایل 2024 کے 12 میچوں میں 19 وکٹ حاصل کئے۔
ہرشت رانا آئی پی ایل 2024 میں سب سے زیادہ وکٹ حاصل کرنے کے معاملے میں پانچویں نمبر پر رہے۔ انہوں نے 19 وکٹ اپنے نام کئے۔ اس فہرست میں پنجاب کنگس کے ہرشل پٹیل ٹاپ پر رہے۔ انہوں نے 14 میچوں میں 24 وکٹ حاصل کئے۔ ورون چکرورتی دوسرے نمبر پر رہے۔ انہوں نے 14 میچوں میں 21 وکٹ حاصل کئے۔ جسپریت بمراہ تیسرے نمبر پر رہے۔ بمراہ نے 13 میچوں میں 20 وکٹ حاصل کئے۔
اگرہرشت رانا کے آئی پی ایل کیریئر پر نظرڈالیں تو انہوں نے 2022 میں ڈیبیو میچ کھیلا تھا۔ اس سیزن میں صرف 2 میچوں میں کھیلنے کا موقع ملا۔ ہرشت رانا نے آئی پی ایل 2023 کے 6 میچوں میں 5 وکٹ حاصل کئے تھے، لیکن 2024 میں کمال کردیا۔ انہوں نے 13 میچ کھیلے اور 19 وکٹ حاصل کئے۔ ہرشت نے ممبئی لکھنؤ سپرجائنٹس کے خلاف خطرناک گیند بازی کی تھی۔ انہوں نے 24 رن دے کر3 وکٹ حاصل کئے تھے۔ وہیں ممبئی انڈینس اور سن رائزرس حیدرآباد کے خلاف 2-2 وکٹ حاصل کئے تھے۔ ہرشت رانا نے فائنل میچ میں 24 رن دیئے تھے۔
اگرہرشت رانا کے گھریلو کرکٹ کیریئر کو دیکھیں تو وہ اچھا رہا ہے۔ انہوں نے 7 فرسٹ کلاس میچ کھیلے ہیں۔ اس دوران 28 وکٹ حاصل کئے ہیں۔ ہرشت رانا ایک میچ میں 108 رن دے کر 10 وکٹ حاصل کرچکے ہیں۔ انہوں نے لسٹ اے کے 14 میچوں میں 22 وکٹ حاصل کئے ہیں۔ ہرشت رانا نے 25 ٹی-20 میچوں میں 28 وکٹ حاصل کئے ہیں۔ انہوں نے بلے بازی میں بھی ہاتھ آزمایا ہے۔ فرسٹ کلاس میچوں کی 9 اننگوں میں 343 رن بنائے ہیں۔ اب انہیں جلد ہی ٹیم انڈیا میں شامل کیا جاسکتا ہے۔
