ہندوستان اور انگلینڈ کی سیریز کے پہلے ون ڈے میں آج ناگپور میں مقابلہ ہوگا۔بورڈ آف کنٹرول فار کرکٹ ان انڈیا (بی سی سی آئی)نےانگلینڈ کے خلاف تین میچوں کی ون ڈے سیریز سے قبل بدھ کو ہندوستان کی نئی ون ڈے جرسی پیش کردی ہے۔ بی سی سی آئی نے اپنے آفیشل سوشل میڈیا اکاونٹ ایکس پر 50 اوور کے نئے فارمٹ کی جرسی پہنے ہوئے کرکٹرز کی تصاویر پوسٹ کی ہیں۔ نئی جرسی میں پوز دیتے ہوئے کھلاڑی وراٹ کوہلی، شبھمن، گل، شریس ایئر، یشسوی جیسوال، کلدیپ یادو، اکشر پٹیل، ہرشیت رانا، واشنگٹن سندر، محمد شامی، ارشدیپ سنگھ اور ورون چکرورتی ہیں۔
تمام کھلاڑی نئی جرسی پہن کر پرجوش نظر آرہے ہیں، جس میں جرسی کے کندھوں پر ترنگے کا نشان ہے۔ ہندوستان اور انگلینڈ کے درمیان سیریز کا پہلا ون ڈے آج ناگپور کے ودربھ کرکٹ ایسوسی ایشن اسٹیڈیم میں کھیلا جائے گا۔ ہندوستان اور انگلینڈ کے درمیان دوسرا ون ڈے میچ اتوار کو کٹک کے بارابتی اسٹیڈیم میں کھیلا جائے گا۔ احمد آباد کا نریندر مودی اسٹیڈیم 12 فروری کو 50 اووروں کی سیریز کے تیسرے اور آخری میچ کی میزبانی کرے گا۔
— BCCI (@BCCI) February 5, 2025
انگلینڈ کے خلاف ون ڈے سیریز کے لیے ہندوستان کا نیا اسکواڈ: روہت شرما (کپتان)، شبھمن گل (نائب کپتان)، یشسوی جیسوال، وراٹ کوہلی، شریس ائیر، کے ایل راہل (وکٹ کیپر)، ریشبھ پنت (وکٹ کیپر)، ہاردک پانڈیا، رویندر جڈیجہ، واشنگٹن سندر، اکشر پٹیل ، کلدییپ یادو، ہرشیت رانا ،محمد شامی، ارشدیپ سنگھ، ورون چکرورتی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
