ٹیم انڈیا نے انگلینڈ کو پہلے ونڈے میں 4 وکٹ سے ہرا دیا ہے۔
IND vs ENG 1st ODI Match Report in Urdu: ٹیم انڈیا نے ناگپورمیں کھیلے گئے پہلے ونڈے میچ میں انگلینڈ کو 4 وکٹ سے ہرا دیا ہے۔ ٹیم انڈیا کی جیت میں سب سے بڑا رول شبھمن گل نے نبھایا، جنہوں نے 87 رنوں کی اننگ کھیلی۔ اس کے علاوہ شرے یس ایئر اوراکشرپٹیل نے بھی نصف سنچری لگاتے ہوئے ہندوستانی ٹیم کی جیت میں اہم تعاون دیا۔ ٹیم انڈیا کی طرف سے زبردست گیند بازی بھی ہوئی کیونکہ ہرشت رانا اوررویندرجڈیجہ نے تین تین وکٹ حاصل کئے۔ ٹیم انڈیا نے یہ میچ 68 گیند باقی رہتے ہوئے جیتا ہے۔
اس میچ میں انگلینڈ نے ٹاس جیت کر پہلے بلے بازی منتخب کیا تھا۔ انگلش ٹیم کے لئے شروعات بہت شاندار ہوئی کیونکہ پہلے 8 اوورمیں فل سالٹ اوربین ڈکیٹ نے 71 رن بنا ڈالے تھے۔ اس کے بعد انگلش ٹیم کوئی بڑی پارٹنرشپ کرہی نہیں پائی۔ جوس بٹلراورجیک بیتھیل نے ضرورنصف سنچری لگائی، لیکن جو روٹ اور ہیری بروک سمیت دیگر سبھی بلے باز بڑا اسکورکرنے میں ناکام رہے اور پوری ٹیم ہی 248 رنوں پر سمٹ گئی۔
A solid win in the bag for #TeamIndia! 💪 💪
They beat England by 4⃣ wickets in Nagpur & take 1-0 lead in the ODI series! 👏 👏
Scorecard ▶️ https://t.co/lWBc7oPRcd#INDvENG | @IDFCFIRSTBank pic.twitter.com/lJkHoih56n
— BCCI (@BCCI) February 6, 2025
ہندوستانی ٹیم نے آسانی سے حاصل کرلیا ہدف
جب ہندوستانی ٹیم 249 رنوں کے ہدف کو حاصل کرنے اتری تو ٹیم کی شروعات بے حد خراب رہی۔ روہت شرما اور یشسوی جیسوال سستے میں پویلین لوٹ گئے تھے اور 19 رنوں کے اسکور تک ٹیم انڈیا نے دونوں سلامی بلے بازوں کا وکٹ گنوا دیا تھا۔ اس درمیان شرے یس ایئر اورشبھمن گل نے کمال کی پارٹنرشپ کرکے ایک ساتھ 94 رن جوڑے۔ شرے یس ایئر نے میچ میں 30 گیندوں میں نصف سنچری لگائی اور میچ میں انہوں نے 36 گیند کھیل کر 59 رن بنائے۔
شرے یس ایئر تو آؤٹ ہوگئے، لیکن دوسرے اینڈ پر شبھمن گل چٹان کی طرح ڈٹے رہے۔ شبھمن گل اوراکشر پٹیل کے درمیان 107 رنوں کی شراکت ہوئی۔ اکشرپٹیل 52 رنوں کی اہم اننگ کھیلی۔ شبھمن گل سنچری تونہیں لگا پائے، لیکن ان کی 87 رنوں کی اننگ نے ٹیم انڈیا کی جیت تقریباً یقینی کردی تھی۔ انگلینڈ کی طرف سے ثاقب محمود اورعادل رشید سب سے کامیاب گیند بازرہے۔ دونوں گیند بازوں نے 2-2 وکٹ حاصل کئے۔ ان کے علاوہ جوفرا آرچراورجیکب بیتھیل نے ایک ایک وکٹ لیا۔
بھارت ایکسپریس اردو۔
