ہندوستانی تیزگیند بازگرنوربرارکوانٹرنیشنل کرکٹ کونسل (آئی سی سی) کے ضابطہ اخلاق کی خلاف ورزی کرنے کے لئے سزا ملی ہے۔ آئی سی سی نے باضابطہ بیان جاری کرکے بتایا کہ گرنوربرارنے ضابطہ اخلاق کے آرٹیکل 2.9 کی خلاف ورزی کی ہے، جس کے لئے انہیں ایک ڈی میرٹ پوائنٹ ملا ہے۔ یہ آرٹیکل کسی دوسرے کھلاڑی کی طرف گیند کو خطرناک طریقے سے پھیکنے سے متعلق ہے۔
یہ واقعہ برمنگھم میں کھیلے گئے پہلے ون ڈے کے دوران پیش آیا۔ اس مقابلے میں انگلینڈ کی ٹیم پہلے بلے بازی کررہی تھی اوراننگ کے آٹھویں اوورمیں، گرنوربراربولنگ کرنے آئے اور سامنے بین ڈکیٹ تھے۔ اوورکی پانچویں گیند پربین ڈکیٹ نے گیند کوآگے کی طرف کھیلا اورگیند سیدھی گرنورکے پاس گئی۔ ہندوستانی گیند بازنے خطرناک اندازمیں گیند بین ڈکیٹ کی طرف پھینکی۔ میچ ریفری نے گرنوربرارکے اس ایکشن کوغیرمنصفانہ اورخطرناک زمرے میں رکھا۔
Heated Moment exchange between Ben Duckett & Gurnoor Brar 🥵🥱😮💨
7.5 Duckett Defense a ball and standing inside line but Gurnoor throw unnecessarily to Duckett
7.6 Duckett Replied with a huge 6 😷
Perfect savage Moment for Duckett 🔥#ENGvIND #Benduckett
©️Willow Sports pic.twitter.com/huONKUf5L3
— Subrajit Pradhan (@Subrajit_tulu) July 14, 2026
واضح رہے کہ لیول-1 کے جرم کے لئے کسی کھلاڑی کوپھٹکارلگائی جاسکتی ہے یا پھراس پرمیچ فیس کا 50 فیصد جرمانہ اورایک یا دوڈی میرٹ پوائنٹ دیئے جاسکتے ہیں۔ اگرکسی کھلاڑی کو24 ماہ کے وقفہ میں 4 یا اس سے زیادہ ڈی میرٹ پوائنٹس مل جائیں توانہیں سسپنشن پوائنٹس میں تبدیل کردیا جاتا ہے۔ 2 سسپنشن پوائنٹ کا مطلب کھلاڑی کوایک ٹسٹ، 2 ونڈے یا ٹی-20 میچوں سے پابندی لگائی جاسکتی ہے۔
گرنوربراڑنے پہلے ونڈے میچ میں زبردست گیند بازی کی تھی۔ انہوں نے اپنے اسپیل کے پہلے 2 اووروں میں 29 رن لٹا دیئے تھے، لیکن اس کے بعد بین ڈکیٹ اور جیکب بیتھل کو ایک ہی اوورمیں آوٹ کردیا۔ گرنوربرارنے اس میچ میں 9 اووروں میں 61 رن دے کر2 وکٹ حاصل کئے تھے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
