دہلی وائرل ویڈیو
جنوب مغربی دہلی کے دوارکا میں ایک خاتون پائلٹ اور اس کے شوہر کے گھر میں کام کرنے والی 10 سال کی بچی کو بری طرح ٹارچر کرنے کی بات پتہ چلتے ہی مشتعل ہجوم نے میاں بیوی کی پٹائی کر دی۔ اس واقعے کی ویڈیو سوشل میڈیا پر وائرل ہو رہی ہے۔ پولیس نے بتایا کہ ملزم کوشک باغچی اور پورنیما باغچی کو بچی کی پٹائی سے متعلق واقعہ کے سلسلے میں گرفتار کیا گیا ہے۔
بچی کی پٹائی پر مشتعل ہوئے مقامی لوگ
پولیس نے بتایا کہ خاتون ایک نجی ایئرلائن میں پائلٹ کے طور پر کام کر رہی ہے، جب کہ اس کا شوہر دوسری نجی ایئرلائن کا اسٹاف ہے۔ لڑکی کی پٹائی کی اطلاع ملتے ہی متاثرہ کے رشتہ داروں اور دیگر لوگوں نے جوڑے کو گھیر لیا اور ان کی پٹائی کر دی۔ وائرل ویڈیو میں دیکھا جا سکتا ہے کہ بھیڑ جوڑے پر کتنی ٹوٹ پڑی ہے۔ ویڈیو میں کچھ خواتین کو تھپڑ مارتے اور ملزم خاتون پائلٹ کے بال کھینچتے ہوئے دیکھا جا سکتا ہے، جو اپنی وردی میں تھی۔ ساتھ ہی پورنیما کو معافی مانگتے ہوئے بھی سنا جا سکتا ہے۔
दिल्ली के द्वारका से दिल को दहला देने वाला मामला सामने आया है!
जहाँ एक पायलट ने 10 साल की बच्ची को घर के काम करने के लिए रखा था!
पति–पत्नी ने मिल कर 10 साल की बच्ची को खूब टॉर्चर किया!
बच्ची के पूरे बदन पर चोट के निशान है!
बच्ची के आँखे पूरी तरह से लाल दिख रही है!
उसके बदन के… pic.twitter.com/WHvT4i3sCp— Sadaf Afreen صدف (@s_afreen7) July 19, 2023
جوڑے کے گھر میں کام کرتی تھی لڑکی
معلومات کے مطابق نابالغ لڑکی کو اس کے ایک رشتہ دار کے ذریعے جوڑے کے گھر پر کام کے لیے رکھا گیا تھا۔ لڑکی کا رشتہ دار بھی قریبی گھر میں کام کرتا تھا۔ ویڈیو میں کوشک بھیڑ میں موجود لوگوں سے کہہ رہا ہے، “وہ مر جائے گی… اسے چھوڑ دو…” اس کے بعد ایک بزرگ نے مداخلت کی، جس کے بعد بھیڑ منتشر ہو گئی۔
وہیں ڈپٹی کمشنر آف پولیس (دوارکا) ایم ہرش وردھن نے بتایا کہ صبح تقریباً 9 بجے دوارکا ساؤتھ پولیس اسٹیشن میں جوڑے کے گھر میں کام کرنے والی ایک نابالغ لڑکی کو ہراساں کیے جانے کی شکایت موصول ہوئی۔ انہوں نے کہا کہ پتہ چلا ہے کہ 10 سالہ بچی گزشتہ دو ماہ سے جوڑے کے گھر کام کر رہی تھی اور دونوں نے بدھ کے روز نابالغ لڑکی کی پٹائی کر دی۔ پولیس کے مطابق لڑکی کی رشتہ دار خاتون نے بھی یہ واقعہ دیکھا۔ ڈپٹی کمشنر آف پولیس نے کہا کہ واقعہ کی خبر پھیلتے ہی جوڑے کی رہائش گاہ کے باہر ایک ہجوم جمع ہوگیا اور ان کے ساتھ ہاتھا پائی کی۔ متاثرہ کی آنکھوں پر چوٹ آئی ہے اور اس کے جسم پر چوٹ کے نشانات بھی موجود ہیں۔
کئی دفعات میں مقدمہ درج
ڈپٹی کمشنر آف پولیس نے کہا، ’’آئی پی سی کی دفعہ 323، 324، 342، 370، چائلڈ لیبر ایکٹ اور جوینائل جسٹس ایکٹ کی دفعہ 75 کے تحت مقدمہ درج کیا گیا ہے۔‘‘ ساتھ ہی پولیس نے کہا کہ لڑکی نے جنسی ہراسانی کا کوئی الزام نہیں لگایا ہے۔ کیا جوڑے پر حملہ کرنے والوں کے خلاف بھی کارروائی ہوگی؟ اس پر افسر نے کہا کہ شکایت کے مطابق کارروائی کی جائے گی۔
یہ بھی پڑھیں: موبائل فون میں گیم کھیلنے پر اہل خانہ نے ڈانٹا تو بیٹی نے واٹر فال میں لگائی چھلانگ، تیر کر خود ہی آگئی واپس
بھارت ایکسپریس۔
