چھتیس گڑھ کے دنتے واڑہ میں انکاؤنٹر۔ فائل فوٹو
Sukma Encounter: چھتیس گڑھ کے سکما ضلع کے بھیجا علاقے میں ڈسٹرکٹ ریزرو گارڈ کے جوانوں اور ماؤنوازوں کے درمیان تصادم میں دو نکسلی مارے گئے۔ علاقے میں سرچ آپریشن جاری ہے۔ پولیس نے پیر کو یہ جانکاری دی۔
انکاؤنٹر میں سیکورٹی فورسز نے گولاپلی ایل او ایس کے کمانڈر مدکم ایرا اور ایل او ایس کے رکن بھیمی کو ہلاک کردیا ہ جس پر آٹھ لاکھ کا انعام تھا۔ سکما پولیس نے کہا، ‘انکاؤنٹر میں دو نکسلی مارے گئے ہیں۔ پولیس سپرنٹنڈنٹ سنیل شرما خود پوری کارروائی کی قیادت کر رہے ہیں۔
Chhattisgarh | An encounter broke out between DRG jawans and Naxals in the Bheji area. Two Naxalites have been killed in the encounter. Search operation underway in the area: Sukma police
— ANI MP/CG/Rajasthan (@ANI_MP_CG_RJ) May 8, 2023
جائے وقوعہ سے دو نکسلیوں کی لاشیں ملی ہیں
پولیس سپرنٹنڈنٹ نے مزید کہا کہ فائرنگ ختم ہونے کے بعد جب جائے وقوعہ کی تلاشی لی گئی تو وہاں سے دو ماؤنوازوں کی لاشیں، ہتھیار اور دھماکہ خیز مواد برآمد ہوا۔ پولیس کے مطابق ان کی شناخت گولاپلی لوکل آرگنائزیشن اسکواڈ (ایل او ایس) کے سرگرم کمانڈر کمانڈر مدکم آئرا اوراسی تنظیم کے ڈپٹی کمانڈر مدکم بھیم کے طور پر کی گئی ہے۔
سکما کے ایس پی سنیل شرما نے بتایا کہ اس سے قبل یکم مئی کو ماؤنوازوں نے سکما ضلع کے اٹاپارہ علاقے میں تعمیراتی کام میں مصروف دو ٹپر ٹرکوں کو آگ لگا دی تھی۔ یہ واقعہ فلبگڈی تھانہ علاقہ کا ہے۔ ایس پی شرما کے مطابق تین مزدوروں کو بحفاظت بچا کر پھول باگڑی پولیس اسٹیشن لایا گیا۔
– بھارت ایکسپریس
