جموں و کشمیر کے وزیر اعلیٰ عمر عبداللہ۔ (فائل فوٹو)
سری نگر: نیشنل کانفرنس (این سی) کے لیڈر عمر عبداللہ نے اتوار کے روز جموں و کشمیر کے شوپیاں اور اننت ناگ اضلاع میں دو ملی ٹینٹ حملوں کی مذمت کی۔ ان حملوں میں بھارتیہ جنتا پارٹی (بی جے پی) کا ایک سابق سرپنچ ہلاک جبکہ راجستھان کا ایک سیاح جوڑا زخمی ہو گیا۔
جے پور سے آنے والے سیاح فرح اور تبریز ضلع اننت ناگ کے پہلگام میں دہشت گردانہ حملے میں زخمی ہوئے اور سابق سرپنچ اور بی جے پی کے سابق سرپنچ اعزاز احمد شیخ شوپیاں ضلع میں دہشت گردوں کے ہاتھوں مارے گئے۔
عمر عبداللہ نے سوشل میڈیا پلیٹ فارم ‘X’ پر ایک پوسٹ میں کہا، “جنوبی کشمیر میں سیاحوں اور بی جے پی کے ایک کارکن پر ملی ٹینٹ حملے کے بارے میں سن کر بہت دکھ ہوا۔ میں ان مہلک حملوں کی شدید مذمت کرتا ہوں۔ اعزاز احمد کے اہل خانہ سے میری تعزیت۔ اللہ ان کو جنت میں جگہ دے۔ جے پور، راجستھان کے رہنے والے تبریز اور فرح کی صحت یابی کے لیے دعا گو ہوں۔
Very sorry to hear about the twin militant attacks in South Kashmir against tourists & a political worker of the BJP. I unequivocally condemn these deadly attacks. My condolences to the family of Aijaz Ahmed. May Allah grant him place in Jannt. I also pray that Tabrez & Farah,…
— Omar Abdullah (@OmarAbdullah) May 19, 2024
بتا دیں کہ یہ ملی ٹینٹ حملے ایسے وقت میں ہوئے ہیں جب اننت ناگ-راجوری سیٹ پر لوک سبھا انتخابات کی مہم چل رہی ہے۔ لوک سبھا انتخابات کے پانچویں مرحلے میں بارہمولہ سیٹ پر پیر کے روز ووٹنگ ہوگی۔
اننت ناگ سیٹ کے لیے ووٹنگ 7 مئی کو ہونی تھی، لیکن کچھ سیاسی جماعتوں کی جانب سے جموں و کشمیر میں موسمی حالات پر تشویش کے اظہار کے بعد اسے ملتوی کر دیا گیا۔ اب اس سیٹ پر ووٹنگ 25 مئی کو ہوگی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
