نئی دہلی: نوگانواں سادات کی سرکردہ شخصیات کے ایک وفد نے ایرانی سپریم لیڈر آیت اللہ مجتبی خامنہ ی کے نمائندے سے ملاقات کی۔ وفد نے ایران کلچر پاؤس میں ڈاکٹر عبد المجید حکیم الٰہی سے مل کر ایرانی رہبراعلی کی شہادت پر تعزیت کا اظہار کیا۔ سماجی تنظیم وزڈم گیٹ وے فاؤنڈیشن کی طرف سے تنظیم کے بانی صدر علی عمران نقوی نے ڈاکٹر حکیم الٰہی کو تعزیت نامہ سونپا۔ درگاہ عالیہ نجف ہند کے سابق سکریٹری سید محمد عباس منا نے ایرانی رہبراعلیٰ کی شہادت کو پوری مسلم دنیا کے لیے ناقابل تلافی نقصان بتایا۔
وزڈم گیٹ وے فاؤنڈیشن نے بیرونی ممالک میں مقیم سرکردہ شخصیات کی طرف سے بھی تعزیت کی۔ جن میں انجینئر نعمت علی، انجینیر وسیم عباس، انجینئر علی اختر اور انجینئر منظور علی شامل ہیں۔ وفد میں تمام مسالک کی نمائندگی رہی۔ ان میں نگر پنچایت کے رکن مرغوب حیدر، نوجوان کارکن ضیا سلطان، کاشف رضا، قنبر علی، جاوید اکرم، عباس علی عابدی، حاجی ساجد رضا، علی حیدر پیرزادہ، حاجی اسرار انصاری، ذکی انصاری اور محمد حیدر شامل رہے۔
وفد نے ایرانی سپریم لیڈر کے نمائندے کو جنگ کے پیش نظر انسانی مدد کے لیے نوگانواں سادات کے افراد کی طرف سے رقم ہدیہ کی۔ وفد نے ایرانی رہبراعلیٰ کو شہید کیے جانے کو انسانی حقوق کی بدترین خلاف ورزی قرار دیتے ہوئے اسرائیل اور امریکہ کی جارحیت کی مذمت کی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
