آسام کے وزیر اعلیٰ ہمنتا بسوا سرما نے آل انڈیا یونائیٹڈ ڈیموکریٹک فرنٹ کے سربراہ اور لوک سبھا کے رکن پارلیمنٹ بدرالدین اجمل کو خبردار کیا کہ وہ ریاست میں جادوئی علاج پر عمل نہ کریں، ورنہ انہیں گرفتار کیا جا سکتا ہے۔آسام کے لکھیم پور ضلع میں کئی ترقیاتی پروجیکٹوں کا آغاز کرتے ہوئے، وزیر اعلیٰ نے کہا، ‘بدرالدین اجمل جادوئی علاج کرتے ہیں اور انہوں نے اپنی عوامی میٹنگوں کے دوران اپنی ترکیبیں بھی آزمائی ہیں لیکن آسام اسمبلی نے ریاست میں جادوئی علاج پر پابندی لگا نے کے لیے ایک بل جو منظور کیا گیا ہے۔ اس لئے جو بھی ایسا کرے گا اسے سلاخوں کے پیچھے ڈال دیا جائے گا۔
سی ایم سرما نے مزید کہا، ‘اگر وہ (بدرالدین اجمل) جاودئی علاج کریں گے تو انہیں گرفتار کر لیا جائے گا۔ میں جو کہوں گا وہی ہوگا۔ میں اپنے بارے میں نہیں بلکہ اسمبلی کی بات کر رہا ہوں۔ آپ ہمنتا بسوا سرما کی بات نہیں سنتے، لیکن آپ کو وہ سننا ہوگا جو اسمبلی کہہ رہی ہے۔ اسمبلی نے علاج کے طریقے بند کر دیے ہیں۔آسام حکومت نے اسمبلی کے حال ہی میں ختم ہونے والے بجٹ اجلاس میں ایک بل پاس کیا جس کے تحت دوائی کے نام پر جادوئی علاج کو غیر قانونی قرار دیا جائے گا اور اس میں ملوث ہر شخص کے لیے سخت سزا کا بھی بندوبست کیا جائے گا۔
دراصل بدرالدین اجمل اور آسام کے وزیر اعلیٰ ہمانتا بسوا سرما کے درمیان اکثر لفظوں کی جنگ ہوتی رہتی ہے۔ اس سے قبل میاں بھائی کو آسام سے ہٹانے کے معاملے پر دونوں کے درمیان شدید زبانی جنگ ہوئی تھی۔ تب بدرالدین اجمل نے کہا تھا کہ وزیر اعلیٰ نے لوگوں سے گوہاٹی میں زمین دیکھنے کو کہا ہے۔ وہ کہہ رہے ہیں کہ وہ میاں برادری کی زمینیں خالی کروا دیں گے لیکن وہ ایسا نہیں کر سکیں گے۔ایسا وہ تین دن کیا ،آئند ہ300سالوں میں بھی نہیں کرسکتے ہیں۔
بھارت ایکسپریس۔
