تیندوے نے سات سالہ بچے کوکیا ہلاک
اتر پردیش کے بہرائچ ضلع میں ایک سات سالہ بچے کو تیندوے نے مار ڈالا۔ یہ واقعہ بدھ کی شام کٹرنیا گھاٹ وائلڈ لائف سرکل کے موتی پور تھانہ علاقے کے تحت منوہر پوروا گاؤں میں پیش آیا۔
متاثرہ لوکش یادو اپنی بڑی بہن دیپا کے ساتھ گنے کے کھیت سے واپس آرہا تھا کہ تیندوے نے اس پر حملہ کردیا۔
موتی پور کے ایس ایچ او مکیش سنگھ نے بتایا، دیپا نے مدد کے لیے آواز لگائی ، جس کے بعد گاؤں والے لاٹھیاں لے کر موقع پر پہنچ گئے۔ تب تک چیتے نے لڑکے کی لاش کو مسخ شدہ اور خون میں لت پت چھوڑ دیا تھا۔
مقامی پولیس اور محکمہ جنگلات کے اہلکار موقع پر پہنچ گئے اور لاش کو پوسٹ مارٹم کے لیے بھیج دیا۔
کٹرنیا گھاٹ رینج کے ڈویژنل فارسٹ آفیسر (ڈی ایف او) آکاش دیپ بدھون نے بتایا کہ بچے کی موت چیتے کے حملے کی وجہ سے ہوئی۔
انہوں نے کہا کہ گاؤں میں تیندوا دوبارہ آ سکتا ہے، اس لیے جنگلات کا عملہ گشت کے لیے موقع پر پہنچ گیا ہے۔ انہوں نے کہا کہ علاقے کے دیہاتیوں کو گروپ بنا کر باہر نکلنے کا مشورہ دیا جا رہا ہے۔
اس علاقے میں یہ تیسرا واقعہ ہے جہاں چار سالہ آدتیہ اور پھر نو سالہ رامتیج تیندوے کے ہاتھوں مارے گئے۔
