انسپکٹر نے عرفان سولنکی کو گلے سے پکڑا، ایس پی ایم ایل اے برہم
Irfan Solanki: سماج وادی پارٹی کے رکن اسمبلی عرفان سولنکی کوبروز بدھ کانپور کی عدالت میں پیش کیا گیا۔ عرفان پر بھتہ خوری کا مقدمہ درج ہے جس کے سلسلہ میں انہیں نچلی عدالت میں پیش کیا گیا۔ لیکن عدالت سے باہر نکلتے وقت ہنگامہ ہوگیا۔ دراصل جب عرفان عدالت سے باہر آرہے تھے تو انہوں نے میڈیا سے بات کرنے کی کوشش کی۔ لیکن اس دوران ایک کانسٹیبل نے ان کی گردن پکڑ لی اور انہیں کھینچنے کی کوشش کرنے لگا۔ جس کے بعد ایس پی ایم ایل اے کافی ناراض ہو گئے۔
عرفان کے ساتھ ‘دھکا مکی’ کی ویڈیو بھی منظر عام پر آگئی ہے۔ ویڈیو میں پولیس اہلکار عدالت کے باہر ایم ایل اے عرفان سولنکی کے ساتھ ہاتھا پائی کرتے ہوئے نظر آ رہے ہیں۔ اس دوران ایک کانسٹیبل نے ان کی گردن پکڑ ی ہوئی ہے۔ جس کے بعد عرفان کو بہت غصہ آتا ہے اور وہ چلانا شروع کر دیتے ہے۔
‘میں پہلے بھی بے قصور تھا، آج بھی بے قصور ہوں’
پولیس والوں اور ایس پی ایم ایل اے کے درمیان ہاتھا پائی کے دوران پولیس نے انہیں جیپ میں بیٹھنے پر مجبور کیا۔ جس کے بعد عرفان سولنکی نے کہا کہ قلم بھی ان کا، کاغذ بھی ان کا، عدالت سب کے لیے، عدالت سب کے لیے، میں پہلے بھی بے قصور تھا، آج بھی بے قصور ہوں، انشاء اللہ عدالت مجھے بے گناہ ثابت کرے گی۔ ” فی الحال عدالت نے عرفان کو دونوں مقدمات میں 14 روزہ اور گینگسٹر کیس میں ایک ماہ کے ریمانڈ پر جیل بھیج دیا ہے۔ سیشن کورٹ نے ایس پی ایم ایل اے عرفان سولنکی کے خلاف بی وارنٹ جاری کیا ہے۔ اس معاملے کی سماعت اب 2 فروری کو ہوگی۔
#Sp #kanpur #MLA सपा विधायक इरफान सोलंकी का दरोगा ने पकड़ी गर्दन, तो भड़क गए विधायक, देखिए कोर्ट परियर के बाहर का वीडियो pic.twitter.com/RC2Fzemm7L
— Srivastava Varun (Journalist) (@varunksrivastav) January 4, 2023
گینگسٹر سمیت 6 مزید مقدمات درج
عرفان سولنکی پر 8 نومبر 2022 کو ایک خاتون کے پلاٹ پر قبضہ کر کے اسے آگ لگانے کا الزام ہے۔ اس معاملے میں ان کے خلاف مقدمہ درج کیا گیا تھا۔ جس کے بعد وہ فرار ہوگئے۔ جس کے لیے انہوں نے فرضی آدھار کارڈ بنوایا اور دہلی سے ممبئی کا سفر کیا۔ جس کے بعد ایس پی ایم ایل اے کے خلاف دھوکہ دہی سمیت کئی دفعات کے تحت مقدمہ درج کیا گیا تھا۔ اس کے بعد ایس پی ایم ایل اے کے خلاف بدمعاش سمیت چھ مزید کیس درج کیے گئے ہیں۔
-بھارت ایکسپریس
