ملک میں مانسون کی رفتار اب کچھ حد تک ضرور سست ہوئی ہے، لیکن کچھ علاقوں میں بارش کا سلسلہ ابھی بھی جاری ہے۔ محکمہ موسمیات نے 12 ستمبر کے لیے اتر پردیش، جھارکھنڈ، بہار، اتراکھنڈ اور جموں و کشمیر کے کچھ اضلاع میں بھاری بارش کا الرٹ جاری کیا ہے۔ وہیں، جنوبی ہندوستان کی کچھ ریاستوں میں بھی تیز بارش کی وارننگ دی گئی ہے۔ملک کے مختلف حصوں میں بارش کے پیٹرن میں فرق دیکھا جا رہا ہے۔ شمال مغربی اور شمال مشرقی علاقوں کے کچھ حصے اب بھی بارش کے لیے حساس بنے ہوئے ہیں، جبکہ دہلی اور اس کے آس پاس کا موسم زیادہ تر صاف اور گرم رہے گا۔
دہلی-این سی آر میں گرمی اور امس کا سلسلہ جاری
محکمہ موسمیات کے مطابق دہلی اور این سی آر میں گزشتہ 3-4 دن سے جاری بارش اب رک گئی ہے اور امس اور گرمی برقرار رہے گی۔ آج دارالحکومت دہلی میں بارش کا کوئی الرٹ جاری نہیں کیا گیا ہے، لیکن دن کے درجہ حرارت میں آہستہ آہستہ اضافہ ہو سکتا ہے۔
،زیادہ سے زیادہ درجہ حرارت: 33 ڈگری سیلسیس، کم سے کم درجہ حرارت: 27 ڈگری سیلسیس، ہوا کی رفتار: 20 سے 30 کلومیٹر فی گھنٹہ(جس سے ہلکی ٹھنڈی ہوا محسوس ہو سکتی ہے)
اتر پردیش میں بھاری بارش کا الرٹ
محکمہ موسمیات نے اتر پردیش کے کئی اضلاع میں 12 ستمبر کو بھاری بارش کا انتباہ دیا ہے۔ متاثرہ اضلاع میں شامل ہیں:
،سہارنپور، مظفر نگر، بجنور، مرادآباد، بریلی، پیلی بھیت، بستی، بلرام پور، گونڈہ، بہرائچ خاص طور پر مشرقی اور مغربی یوپی کے اضلاع میں اچانک موسم کی تبدیلی سے احتیاط برتنے کی ہدایت دی گئی ہے۔ عوام سے اپیل کی گئی ہے کہ وہ غیر ضروری طور پر گھروں سے باہر نہ نکلیں۔
بہار میں موسلا دھار بارش کا امکان
بہار کے کئی علاقوں میں آج موسلا دھار بارش ہونے کی پیش گوئی ہے۔ محکمہ موسمیات نے درج ذیل اضلاع کے لیے وارننگ جاری کی ہے:
، پشچم چمپارن، بانکا، مظفر پور، بھاگلپور، سارن، سیوانکئی جگہوں پر آسمانی بجلی گرنے اور گرج چمک کے ساتھ بارش کا امکان ہے۔ عوام سے کہا گیا ہے کہ وہ محتاط رہیں اور گھروں یا گاڑیوں کو محفوظ جگہوں پر رکھیں۔
اتراکھنڈ میں بھی شدید بارش کی وارننگ
،محکمہ موسمیات نے اتراکھنڈ کے کئی اضلاع میں آج شدید بارش کی پیش گوئی کی ہے۔ متاثرہ اضلاع میں شامل ہیں:،پتھورا گڑھ، دہرادون، نینی تال، پاؤڑی گڑھوال، اترکاشی، اودھم سنگھ نگر، چمپاوَت، ٹہری گڑھوال، باگیشور، رودر پریاگانتظامیہ نے لوگوں سے اپیل کی ہے کہ وہ محفوظ رہیں اور ضرورت کے وقت ہی گھروں سے باہر نکلیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
