گینگسٹر دیپک باکسر تک میکسیکو سے دہلی پہنچی پولس، اسپیشل سی پی نے کہا – این سی آر میں اس سے بڑا گینگسٹر کوئی نہیں تھا…
Gangster Deepak Boxer: جرم کی دنیا کتنی خوفناک ہے، کیوں یہ دنیا نوجوانوں کو اپنی طرف راغب کرتی ہے۔ کوئی تو اس کی وجہ ہوگی۔ اس جرم کی دنیا کا وقت بہت ہی مخصر ہوتا ہے۔اس جرم کی دنیا میں پیسہ،شہرت ہی اس کی وجہ ہے؟ ہریانہ کے سونی پت کا رہنے والا، دیپک ، جسے دیپک باکسر کے نام سے جانا جاتا ہے، قومی سطح کی باکسنگ چیمپئن شپ وینرتھا۔
دہلی پولیس کے اسپیشل سیل کو میکسیکو سے بڑی کامیابی ملی ہے، انہوں نے دہلی این سی آر میں مطلوب مجرم دیپک باکسر کو وہاں کی مقامی انتظامیہ کی مدد سے گرفتار کیا اور اسے دہلی لے کر آئے ہیں۔
اس دوران دہلی ایئرپورٹ پر میڈیا سے بات کرتے ہوئے دہلی پولس اسپیشل سیل کے سی پی نے کہا کہ دہلی این سی آر میں اس سے بڑا کوئی گینگسٹر نہیں تھا، ہم نے اسے گرفتار کر لیا ہے اور اب اس کے خلاف قانونی کارروائی کی جائے گی۔
دیپک دہلی کے روہنی کورٹ کمپلیکس میں بدمعاش جتیندر مان عرف گوگی کے قتل کے بعد ‘گوگی گینگ’ چلا رہا تھا۔ گوگی کو 24 ستمبر 2021 کو دو حملہ آوروں نے گولی مار کر ہلاک کر دیا تھا۔ پولیس کی جوابی کارروائی میں حملہ آور بھی مارے گئے۔
اسپیشل کمشنر آف پولیس اسپیشل سیل ایچ جی ایس دھالی وال نے کہا کہ دیپک نے میکسیکو کے راستے امریکہ پہنچنے کے لیے کئی راستے اپنائے لیکن وہ پولیس کے جال میں پھنس گیا۔ انہوں نے کہا کہ یہ پہلا موقع ہے جب دہلی پولیس نے غیر ملکی ایجنسیوں کی مدد سے ملک سے باہر کسی گینگسٹر کو گرفتار کیا ہے۔
#WATCH गिरफ्तार गैंगस्टर दीपक बॉक्सर को मैक्सिको से दिल्ली एयरपोर्ट लाया गया। pic.twitter.com/wCwhjAYO3x
— ANI_HindiNews (@AHindinews) April 5, 2023
دیپک گوگی دہلی کی روہنی عدالت میں بدمعاش جتیندر مان عرف گوگی کے قتل کے بعد اس گینگ کو چلا رہا تھا۔ گوگی کو 24 ستمبر 2021 کو دو حملہ آوروں نے گولی مار کر ہلاک کر دیا تھا۔ پولیس کی جوابی کارروائی میں دو حملہ آور بھی مارے گئے۔
پولیس نے کہا کہ اس کی گرفتاری کرائم برانچ اور اسپیشل سیل کی مربوط کوششوں کا نتیجہ ہے۔ انہوں نے کہا کہ گینگسٹر گزشتہ پانچ سالوں میں قتل اور بھتہ خوری سمیت 10 سنسنی خیز مقدمات میں بھارت کو مطلوب ہے۔
دیپک بلڈر امیت گپتا کے قتل کے سلسلے میں مطلوب تھا، جسے گزشتہ سال 23 اگست کو شمالی دہلی کے براری علاقے میں گولی مار کر ہلاک کر دیا گیا تھا۔ گوگی دیپک باکسر گینگ کے شارپ شوٹر انکت گلیا نے مبینہ طور پر گپتا کو قتل کیا تھا۔
-بھارت ایکسپریس
