بہرائچ کے مہسی کے مہاراج گنج علاقے میں حالات اب معمول پر آ گئے ہیں۔ لیکن جمعرات کو پولیس اور ایس ٹی ایف نے رام گوپال مشرا کے قتل کے مبینہ ملزم کا انکاؤنٹر کردیا ۔ بتایا جاتا ہے کہ دونوں ملزمین نے نیپال کی طرف بھاگنے کی کوشش کی تھی۔ اس کے بعد اس کا پولس سے تصادم ہوا۔
رام گوپال مشرا کو مبینہ طورپر گولی مارنے والے ملزم سرفرازکا انکاؤنٹر ہوا تھا۔ پولیس نے انکاؤنٹر میں مرکزی ملزم رنکو عرف سرفراز اور طالب کو گولی مار دی ۔ مرکزی ملزم سرفراز نیپال فرار ہونے کا منصوبہ بنا رہا تھا۔ اس دوران یہ انکاؤنٹر نیپال کی سرحد کے قریب ہنڈا بسہاری نہر کے پاس ہوا۔
ذرائع کے مطابق دونوں ملزمین اپنے رشتہ داروں کے ساتھ نیپال فرار ہونے کی کوشش کر رہے تھے۔ ان دونوں نے ایس ٹی ایف اور پولیس ٹیم پر گولی چلائی۔ اس کے بعد پولیس نے جوابی کارروائی کی اور اس دوران دونوں ملزمین کو پولیس نے گولی مار دی۔ذرائع کے مطابق ملزم کو اسپتال میں داخل کرایا گیا ہے۔
ہسپتال میں داخل ملزم کی حالت انتہائی تشویشناک ہے۔ یوپی پولیس اور ایس ٹی ایف بھی اس معاملے میں نیپالی حکام سے رابطے میں تھے۔ دوسری جانب جمعرات کو پانچویں روز بھی انٹرنیٹ سروس بحال کر دی گئی۔ پولیس انتظامیہ نے لوگوں سے افواہوں سے دور رہنے اور کسی بھی قسم کی گمراہ کن اطلاعات پر یقین نہ کرنے کی اپیل کی ہے۔
دوسری طرف وزیر اعلی یوگی آدتیہ ناتھ کو بہرائچ کیس سے متعلق انکاؤنٹر کی اطلاع دی گئی ہے۔ ڈی جی پی پرشانت کمار نے ٹیلی فون پر بات کرتے ہوئے وزیر اعلی یوگی کو اپ ڈیٹ کیا ہے۔ ڈی جی پی ہیڈکوارٹر میں امن و امان کے حوالے سے ایک بڑی میٹنگ شروع ہو گئی ہے۔ میٹنگ میں ڈی جی پی پرشانت کمار اے ڈی جی ایل او امیتابھ یش اور محکمہ پولیس کے سینئر افسران موجود ہیں۔
بھارت ایکسپریس۔
