انفورسمنٹ ڈائریکٹوریٹ (ای ڈی) نے جمعہ کو تلنگانہ کے سابق وزیر اعلی کے سی آر کی بیٹی اور بی آر ایس لیڈر کے کویتا کو گرفتار کرلیا۔ ای ڈی کی ٹیم نے جمعہ کو حیدرآباد میں کے کویتا کی رہائش گاہ پر چھاپہ مارا تھا۔ اس کے بعد انہیں گرفتار کر لیا گیا۔ تحقیقاتی ایجنسی کی کارروائی کے دوران کے سی آر کے بیٹے اور کے کویتا کے بھائی کے ٹی آر بھی ان کی رہائش گاہ پہنچ گئے۔ اس دوران ان کی ای ڈی افسران کے ساتھ تیکھی بحث بھی ہوئی۔ نیوز ایجنسی اے این آئی نے بھی اس بحث کا ویڈیو شیئر کیا ہے۔
ذرائع کے مطابق کے ٹی آر کی ٹیم کی جانب سے جاری بیان میں وزیر اعظم مودی کو نشانہ بنایا گیا ہے۔ کے ٹی آر نے کہا، 1323 میں علاؤالدین خلجی کی فوج نے چھاپہ مار کر کاکتیہ شہنشاہ پرتاپ رودر کو پکڑ لیا اور دہلی لے گئے۔ خلجی کی فوج نے فتح کا جلوس نکالا۔ ٹھیک 700 سال بعد 2024 میں مودی کے فوج نے حیدرآباد پر حملہ کیا اور ایم ایل سی کویتا کو پکڑ کر دہلی لے گئے۔ اب خلجی کے جانشین مودی نے حیدرآباد میں جلوس نکالیں گے۔
ای ڈی نے کے کویتا کو گرفتار کرلیا
ای ڈی نے دہلی کے مبینہ شراب گھوٹالے میں منی لانڈرنگ کیس میں کے کویتا کو گرفتار کیا ہے۔ کے کویتا کو حیدرآباد سے دہلی لایا جارہا ہے، جہاں جانچ ایجنسی ان سے پوچھ گچھ کرے گی۔
#WATCH | Visuals from inside the residence of BRS MLC K Kavitha; a heated exchange of words going on between ED and BRS leader KTR Rao.
K Kavitha is being brought to Delhi by ED; she will be further questioned.
(Video Source: BRS worker) pic.twitter.com/3EUTKDA9Ow
— ANI (@ANI) March 15, 2024
دہلی کے مبینہ شراب گھوٹالے میں منیش سسودیا اور سنجے سنگھ کے بعد یہ تیسری ہائی پروفائل گرفتاری ہے۔ سسودیا اور سنجے سنگھ عام آدمی پارٹی کے لیڈر ہیں اور فی الحال جیل میں ہیں۔ اس کے علاوہ دہلی کے وزیر اعلی اروند کیجریوال بھی اس معاملے میں زیر تفتیش ہیں۔
ای ڈی کے مطابق، ‘ساؤتھ گروپ’ بھی دہلی شراب پالیسی گھوٹالے میں ملوث ہے، جس میں کے کویتا نے اہم رول ادا کیا تھا۔ ای ڈی کے مطابق اس گروپ میں حیدرآباد کے تاجر سرتھ ریڈی، وائی ایس آر کانگریس ایم پی ماگنتا سری نواسولو ریڈی، ان کے بیٹے راگھوا ماگنتا ریڈی بھی شامل تھے۔
بھارت ایکسپریس۔
