بی جے پی رکن پارلیمنٹ کرشنا لال پنوار نے راجیہ سبھا سے دیا استعفیٰ
بی جے پی لیڈر اور ہریانہ کے نو منتخب رکن اسمبلی کرشن لال پنوار نے راجیہ سبھا سے استعفیٰ دے دیا ہے۔ کرشنا لال نے راجیہ سبھا کے چیئرمین جگدیپ دھنکھڑ سے ملاقات کی اور انہیں اپنا استعفیٰ پیش کیا۔ وہ اسرانہ سے ایم ایل اے منتخب ہوئے ہیں۔ ہریانہ کے ممکنہ وزراء میں ان کا نام بھی زیر غور ہے۔
راجیہ سبھا کے چیئرمین جگدیپ دھنکھڑ نے کرشنا لال پنوار کا استعفیٰ فوری طور پر قبول کر لیا۔ دھنکھڑ نے خود سوشل میڈیا پر یہ جانکاری دی۔ کرشنا لال کے استعفیٰ کے بعد ہریانہ سے راجیہ سبھا کی ایک سیٹ خالی ہو گئی ہے۔
نئی اننگز کے لیے دھنکھڑ کا آشیرواد مانگا۔
کرشنا لال نے ‘ایکس’ پوسٹ پر چیئرمین کے ساتھ اپنی ملاقات کی تصویر شیئر کی ہے۔ انہوں نے پوسٹ میں لکھا، “نئی دہلی میں، میں نے راجیہ سبھا کی رکنیت سے اپنا استعفی جگدیپ دھنکھڑ کو پیش کیا اور اسرانہ کے ایم ایل اے کے طور پر عوامی خدمت کے اپنے نئے فرض کی طرف گامزن ہوں ۔” نئی اننگز کے آغاز کے لیے ہر کسی سے پراتھنا کی اپیل کرتا ہوں۔
Hon’ble Vice-President and Chairman, Rajya Sabha, Shri Jagdeep Dhankhar has accepted the resignation of Shri Krishan Lal Panwar, Member of Council of States (Rajya Sabha) from Haryana with immediate effect, finding the same in conformity with Constitutional prescriptions.… pic.twitter.com/wHCpOzVId7
— Vice-President of India (@VPIndia) October 14, 2024
کرشن لال پنوار کا مقابلہ کانگریس کے امیدوار سے تھا۔
کرشن لال پنوار نے اسرانہ میں کانگریس کے بلبیرسنگھ بالمیکی کو شکست دی ہے۔ کرشن لال پنوارکو 67538 ووٹ ملے جبکہ بلبیر سنگھ کو 53643 ووٹ ملے۔ دونوں کے درمیان جیت اور ہار کا فرق 13895 ووٹوں کا تھا۔ کچھ دن پہلے جب کرشنا لال سے ان کے وزیر بننے کے امکانات کے بارے میں پوچھا گیا تو انہوں نے کہا تھا کہ اگر مجھے کابینہ کی ذمہ داری ملی تو میں اسے اچھی طرح نبھاوں گا وہ بی جے پی ہریانہ کے ریاستی نائب صدر بھی ہیں۔
بھارت ایکسپریس۔
