بہار میں شدید گرمی کا قہر
بہار نیوز: بہار کے شیخ پورہ کے ایک اسکول میں بدھ (29 مئی) کے روز شدید گرمی کی وجہ سے کئی طالبات بیہوش ہوگئیں۔ درجنوں طلباء کو اسپتال میں داخل کرایا گیا ہے۔ بتا دیں کہ اس وقت ملک کی دیگر ریاستوں کے ساتھ بہار بھی شدید گرمی کی زد میں ہے۔ ریاست کے کئی اضلاع میں پارہ 44 ڈگری کو پار کر گیا ہے۔ بتایا جا رہا ہے کہ شیخ پورہ ضلع کے اریاری تھانہ علاقے کے تحت آنے والے مڈل اسکول منکول میں بدھ کی صبح شدید گرمی کی وجہ سے درجنوں طالبات بیہوش ہو گئیں۔ اس کے بعد انہیں فوری طور پر اسپتال میں داخل کرایا گیا۔ اس وقت سب کا علاج چل رہا ہے۔
#WATCH | Bihar: Several students fainted due to heatwave conditions at a school in Sheikhpura. The students were later admitted to a hospital. pic.twitter.com/Mv9Eg3taCJ
— ANI (@ANI) May 29, 2024
تقریباً 16 طلبہ کو بے ہوشی کی حالت میں اسپتال میں داخل کرایا گیا ہے۔ انہیں بائک اور ٹوٹو کے ذریعے صدر اسپتال شیخپورہ میں داخل کرایا گیا۔ کچھ طالبات کو پرائیویٹ اسپتال لے جایا گیا۔ اس دوران بے ہوش طلبہ کو اسپتال لے جانے کے لیے ایمبولینس کی سہولت فراہم نہیں کی جاسکی۔
شیخ پورہ کے صدر اسپتال کے ڈاکٹر رجنی کانت کمار نے کہا، “بڑھتے ہوئے درجہ حرارت کی وجہ سے طلبہ کو پریشانی کا سامنا ہے۔ یہاں داخل طلبہ کی حالت اب مستحکم ہے۔” صدر اسپتال کے ڈاکٹر ستیندر نے کہا کہ طلباء کو ہمیشہ ہائیڈریٹ رہنا چاہئے اور زیادہ سے زیادہ پانی پینا چاہئے۔ انہوں نے کہا کہ گرمیوں میں باہر نہ نکلنے کا مشورہ دیا جاتا ہے۔
دوسری جانب بہار کے بیگوسرائے میں بڑھتی ہوئی گرمی کی وجہ سے مبینہ طور پر بے ہوش ہونے والے طلباء کے بارے میں، ضلع مجسٹریٹ، روشن کشواہا نے کہا، “اطلاع ملی تھی کہ ایک اسکول میں، بڑھتے ہوئے درجہ حرارت کی وجہ سے طلباء کی صحت بگڑ گئی ہے…. انہیں علاج کے لیے اسپتال لایا گیا ہے۔ …تمام طلباء کی حالت ٹھیک ہے اور پریشان ہونے کی کوئی بات نہیں ہے…بڑھتی ہوئی گرمی کی وجہ سے پیش آنے والے واقعات پر نظر رکھنے کے لیے ایجوکیشن افسران کو احکامات جاری کر دیے گئے ہیں… ۔ اسکولوں میں فوری علاج کے لیئےORS جیسے بنیادی چیزیں فراہم کرنے کے بھی احکامات دیے گئے ہیں۔
#WATCH | Begusarai, Bihar: On students falling unconscious allegedly due to rising heat, District Magistrate, Roshan Kushwaha says, “Information was received that in a school, due to rising temperature health of students deteriorated….They were brought to the hospital for… pic.twitter.com/XqXvIrFekF
— ANI (@ANI) May 29, 2024
وہیں، بہار کے مختلف مقامات پر اسکولوں میں کئی طلباء کے بیہوش ہونے پر آر جے ڈی لیڈر تیجسوی یادو کا کہنا ہے کہ “بہار میں حکومت اور جمہوریت نہیں ہے بلکہ صرف نوکر شاہی ہے۔ وزیراعلیٰ اتنے کمزور ہیں کہ اسکول ٹائمنگ کے حوالے سے بھی کوئی ان کی بات نہیں سنتا۔ درجہ حرارت 47 ڈگری پر ہے، لو چل رہا ہے اور کم از کم چھوٹے بچوں کو کچھ آرام کرنا چاہیے۔ بہار میں اسکولوں کا بنیادی ڈھانچہ اچھا نہیں ہے… لیکن، وزیر اعلی کے ہاتھ میں کچھ نہیں ہے۔”
بھارت ایکسپریس۔
