‘اسٹوڈنٹ فیڈریشن آف انڈیا’ ایس ایف آئی کے کارکنوں نے آج (27 جنوری) کولم ضلع کے نیلمیل میں کیرالہ کے گورنر عارف محمد خان کے خلاف احتجاج کیا۔ جس کے باعث گورنر عارف محمد خان اپنی گاڑی سے باہر آئے اور سڑک پر کرسی لگا کر بیٹھ گئے۔ اس کے ساتھ ہی انہوں نے مظاہرین کو روکنے میں ناکامی پر پولیس پر ناراضگی ظاہر کی اور ان سے امت شاہ سے بات کرنے کو کہا۔
گورنر سڑک پر کرسی رکھ کر بیٹھ گئے۔
سوشل میڈیا پر وائرل ہونے والی ایک ویڈیو میں گورنر عارف محمد خان سخت برہم دکھائی دے رہے ہیں۔ اس دوران گورنر کو پولیس والوں سے سخت لہجے میں بات کرتے دیکھا جا سکتا ہے۔ موقع پر پولیس کے علاوہ دیگر افسران اور مقامی لوگ بڑی تعداد میں جمع تھے۔ گورنر ایک تقریب کے لیے کوٹراکارا جا رہے تھے جب ریاست میں حکمراں مارکسی کمیونسٹ پارٹی (سی پی آئی-ایم) کے طلبہ ونگ اسٹوڈنٹ فیڈریشن آف انڈیا کے کئی ارکان نے راستے میں سیاہ جھنڈے دکھا کر احتجاج شروع کردیا۔
#WATCH | Kollam: SFI holds black-flag protest against Kerala Governor Arif Mohammed Khan. pic.twitter.com/OGFdg214Wm
— ANI (@ANI) January 27, 2024
حکومت اور گورنر کے درمیان کشیدگی جاری ہے
آپ کو بتاتے چلیں کہ عارف محمد خان اور بائیں بازو کی حکومت کے درمیان ریاست کی یونیورسٹیوں کے کام کاج اور اسمبلی سے منظور کیے گئے کچھ بلوں پر گورنر کے دستخط نہ کرنے سمیت کئی مسائل کو لے کر تنازعہہے۔ کیرالہ میں حکمراں بائیں محاذ کی حکومت اور عارف خان کے درمیان جاری کشیدگی کے درمیان، گورنر نے جمعرات کو اسمبلی میں اپنا خطاب صرف آخری پیراگراف پڑھ کر ختم کیا، اس طرح حکومت سے ان کی ناراضگی کا اشارہ ملتا ہے۔
بھارت ایکسپریس۔
