جموں کشمیر سے خصوصی درجے کی منسوخی کو چار سال مکمل ہونے کے بعد ایک طرف جہاں حکمراں جماعت اپنی پیٹھ تھپتھپارہی ہے اور طرح طرح کی ترقیاتی پروجیکٹوں کا حوالہ دے کر نیا کشمیر ، ترقی پذیر کشمیر،پرامن کشمیر وغیرہ جیسے القاب کے ساتھ کشمیر کو عوامی سطح پر پیش کرنے کی کوشش کی جارہی ہے ۔ وہیں دوسری جانب جموں کشمیر کی سیاسی جماعتیں خاص طور پر پی ڈی پی، نیشنل کانفرنس اورپیپلز کانفریس یا پھر گپکار الائنس سرکاری دعوں کے برعکس تصویر پیش کررہا ہے اور حکومت پر جموں کشمیر کو 20 سال پیچھے لے جانے کا الزام لگارہے ہیں ۔ سیاسی تکرار کے بیچ غیرملکی مہمانوں کا دورہ جاری ہے۔ جموں کشمیر کی قدرتی حسن کا لطف اٹھانے کیلئے باہر کے ملکوں کے سیاحوں کی آمد کا سلسلہ جاری ہے۔
اس بیچ عرب کے مشہورتجزیہ کار، صحافی اور پالیسی ساز امجد طٰہ نے جموں کشمیر کا دورہ کرکے اپنے جذبات کا اظہار کیا ہے۔ انہوں نے کشمیر میں گزارے ہوئے ایام کو یاد کرتے ہوئے ٹوئیٹر پر لکھا ہے کہ ایک روز میں نے کچھ بچوں سے پوچھا کہ وہ کہاں کے ہیں تو انہوں نے فخر سے کہا کہ کشمیر میں ہندوستانی مسلمان ہوں ۔ ایک عرب مسلم کے طور پر بچوں کے جوش کو دیکھ کر حیران رہ گیا۔ میں جی 20کے لیے کشمیر کو منتخب کرنے پر ہندوستان کی تعریف کرتا ہوں۔ تنوع کو اپنانے، مستقبل کے لیے تعمیر کرنے اور بنیاد پرستوں کے خلاف کھڑے ہونے میں ان کی مثال قابل ذکر ہے۔جی 20 کا اجلاس کشمیر میں منعقد کرنا دراصل وادی میں فطرت اور انسانیت کو بچانے میں اتحاد کی علامت ہے۔
Asked the children where they were from, and they proudly said Indian Muslims in Kashmir. Thrilled as a Muslim Arab, I applaud India for choosing Kashmir for G20. Their example in embracing diversity, building for the future, and standing against radicals is remarkable. G20India… pic.twitter.com/D3ochg4wav
— Amjad Taha أمجد طه (@amjadt25) August 7, 2023
واضح رہے کہ جموں کشمیر میں جی 20 کے ٹورزم ورکنگ گروپ کا اجلاس منعقد ہوا تھا، جس دوران جی 20 ممالک کے مندوبین کے علاوہ بڑی تعداد میں تجزیہ کاروں اور دیگر لوگوں نے وادی کی خوبصورتی کا لطف اٹھایا تھا۔ مئی 2023 کے تیسرے ہفتے میں وادی کے اندر جی 20 کے مہمانوں کی بڑی تعداد موجود تھی جنہوں نے نہ صرف جموں کشمیر میں سیاحت کو دیکھ کر خوشی کا اظہار کیا بلکہ اس کی قدرتی خوبصورتی کو بھی دیکھ کر حیران رہ گئے اور اخیر میں حکومت کے اس فیصلے پر داد دینے سے وہ خود کو نہیں روک سکے۔ انہیں میں سے ایک مشہور انفلوئنسر امجد طہٰ بھی ہیں ۔
بھارت ایکسپریس۔
