مہاراشٹر میں سماج وادی پارٹی کے رکن اسمبلی ابو عاصم اعظمی نے “وندے ماترم” گانے سے اس بنیاد پر انکار کر دیا کہ ان کا مذہب اس کی اجازت نہیں دیتا ہے۔ اس معاملے پر ایک بڑا تنازعہ کھڑا ہو گیا ہے۔ حریف بی جے پی کی تنقید پر جوابی حملہ کرتے ہوئے سماج وادی پارٹی کے رکن اسمبلی ابو عاصم اعظمی نے کہا کہ وندے ماترم نہ کہنے سے “ملک اور میری حب الوطنی میں کمی نہیں آتی ہے اور کسی کو اس پر کوئی اعتراض نہیں ہونا چاہیے۔
हम वो है जिनके पूर्वजों ने इस देश के लिए अपनी जान दी, हम वो है जिन्होंने पाकिस्तान को नहीं भारत को अपना मुल्क माना। हमें इस्लाम सिखाता है की सर उसी के आगे झुकाओ जिसने ये सारा जहान बनाया। मेरे मज़हब के मुताबिक अगर मैं वंदे मातरम नहीं बोल सकता हूँ तो इस से मेरे दिल में मेरे मुल्क… pic.twitter.com/daMQOR8ZdH
— Abu Asim Azmi (@abuasimazmi) July 19, 2023
ابو عاصم اعظمی نے ٹویٹ کیا کہ “ہم وہ ہیں جن کے آباؤ اجداد نے اس ملک کے لیے اپنی جانیں دیں، ہم وہ ہیں جنہوں نے ہندوستان کو اپنا ملک سمجھا نہ کہ پاکستان، اسلام ہمیں اس کے سامنے جھکنا سکھاتا ہے جس نے یہ ساری دنیا بنائی ہے۔انہوں نے کہا کہ “میرے مذہب کے مطابق اگر میں وندے ماترم نہیں گا سکتا تو اس سے میرے ملک اور میری حب الوطنی کے تئیں احترام میں کوئی کمی نہیں آتی، اور کسی کو اس پر اعتراض نہیں ہونا چاہیے۔ آپ کو اس ملک سے جتنی محبت ہے، اتنی ہی مجھے بھی ہے ۔
سماج وادی پارٹی کے ایم ایل اے مہاراشٹر میں حکمراں بی جے پی کی زیرقیادت اتحاد کی ساکل ہندو سماج کے اجلاسوں میں نفرت انگیز تقاریر کرنے والوں کے خلاف مبینہ طور پرکاروائی نہ ہونے پر ناراض ہیں۔
اعظمی نے کہا کہ سکل ہندو سماج کے اجتماعات کی وجہ سے مہاراشٹر کے کئی اضلاع میں تشدد ہوا ہے، لیکن ان جلسوں میں نفرت انگیز تقریر کرنے والوں کے خلاف کوئی کارروائی نہیں کی گئی۔ اس کے نتیجے میں اورنگ آباد میں رام نومی کے موقع پر تشدد ہوا اور لوگوں کو ان کے گھروں میں مارا گیا۔” گیٹ پر کھڑے منیر الدین پولیس کی گولی سے شہید ہوئے تھے۔ مہاراشٹر حکومت منیر الدین اور ان کے خاندان کو انصاف نہیں دے گی،یکطرفہ کارروائی صرف مسلمانوں کے خلاف کی جا رہی ہے۔ فسادات میں مارے گئے بے گناہوں کے اہل خانہ کی تحقیقات کا حکم نہ دینا حکومت کا تکبر ہے اور تکبر ہمیشہ قائم نہیں رہتا۔
بھارت ایکسپریس۔
