یوپی کے سہارنپور میں اپنی رہائش گاہ پر ہولی کھیلنا ایم پی عمران مسعود کے لیے پریشانی کھڑی ہوگی ہے ۔ ان کے حامیوں کی بڑی تعداد ان کی رہائش گاہ پہنچی اور ہولی کھیلی۔ عمران مسعود نے اسے فرقہ وارانہ ہم آہنگی کی مثال قرار دیا تھا، جب کہ علمائے کرام نے اس پر اعتراض کرتے ہوئے اسے غیر اسلامی قرار دیا اورعمران مسعود سے توبہ کرنے کو کہا۔ سہارنپور کے کانگریس ایم پی عمران مسعود کا رنگوں میں بھیگنے کا ویڈیو وائرل ہوتے ہی تنازعہ شروع ہوگیا۔ علمائے کرام نے ان کے ہولی کھیلنے پر سخت اعتراض کیا، کہا کہ یہ اسلامی تعلیمات کے خلاف ہے اور انہیں اللہ سے توبہ کرنے کا مشورہ دیا۔
आपको भी होली की हार्दिक शुभकामनाएं!
रंगों का त्योहार, प्यार और खुशी का मेल, होली आपके जीवन में खुशियों और रंगों की बहार लाए!
आपके परिवार और मित्रों के साथ होली का जश्न मनाएं और इस त्योहार की खुशियों को अपने दिल में बसाएं! pic.twitter.com/SJ0bvJoyk1
— Imran Masood (@Imranmasood_Inc) March 14, 2025
ہولی کے رنگوں میں بھیگے عمران مسعود کی تصویریں دیکھ کر علمائے کرام مشتعل ہیں۔ انہوں نے کہا کہ کانگریس ایم پی کے ہولی کھیلنے پر اعتراض کیا گیا اور اسے غیر اسلامی قرار دیا۔ انہوں نے کہا کہ اگر کانگریس ممبران پارلیمنٹ آپسی بھائی چارے کا پیغام دینا چاہتے ہیں تو ہمیں اس پر کوئی اعتراض نہیں ہے لیکن انہوں نے جو طریقہ اختیار کیا وہ غلط ہے۔ کیونکہ اسلام میں کسی دوسرے مذہب کے تہواروں اور پروگراموں میں شرکت کی اجازت نہیں ہے۔ انہوں نے اسے غیر اسلامی قرار دیا ہے۔
علمائے کرام کے بیان پر عمران مسعود کا جواب
اس سارے ہنگامے پر عمران مسعود کا ردعمل بھی سامنے آیا ہے۔ انہوں نے کہا کہ علمائے کرام صرف اپنی امامت پر توجہ دیں۔ جو کچھ بھی عمل ہے وہ بندے اور خدا کے بیچ ہے ۔ جن کا کام سیاست کرنے کا ہے انہیں یاست کرنے دیں۔
اس سے قبل عمران مسعود نے ہولی کے حوالے سے بھارتیہ جنتا پارٹی کو بھی نشانہ بنایا اور کہا کہ پہلی بار ہولی کے رنگوں میں نفرتیں مل رہی ہیں۔ میں محبت کا پیغام دینے کے لیے ہولی منا رہا ہوں۔ یہ ہمارے ملک کا کلچر ہے، سب مل کر تہوار مناتے ہیں۔ پہلے میں رنگوں سے گریز کرتا تھا، لیکن اس بار جب دیکھا کہ نفرت رنگوں میں بھی پائی جاتی ہے تو محبت کا پیغام دینے کے لیے آگے آیا ہوں۔ ہمیں اس ملک کو بچانا ہے۔ ہولی کے بعد ہم نماز پڑھنے بھی جائیں گے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
