'سابرمتی ایکسپریس ٹرین حادثہ یا سازش... جائے وقوعہ سے ملے یہ ثبوت'، آئی بی کرے گی تحقیق ،ٹرین کیوں ڈی ریل ہوئی
ریلوے کے وزیر اشونی ویشنو نے سابرمتی ایکسپریس ٹرین حادثے پر اپنا ردعمل دیا ہے۔ انہوں نے اسے ایک سازش قرار دیا ہے۔ اشونی ویشنو نے سوشل میڈیا پلیٹ فارم پر لکھا کہ اس حادثے میں کوئی مسافر یا ملازم زخمی نہیں ہوا ہے، مسافروں کے لیے احمد آباد سے مزید سفر کرنے کے انتظامات کیے گئے ہیں۔
ذرائع کے مطابق ٹرین نمبر 19168 سابرمتی ایکسپریس (بنارس-احمد آباد) احمد آباد کی طرف جارہی تھی۔ جھانسی ڈویژن کے تحت کانپور کے بھیمسین سیکشن میں گووند پوری اسٹیشن کے قریب جمعہ کی رات تقریباً 2:30 بجے ٹرین اچانک پٹری سے اتر گئی ،جس کی وجہ سے 22 بوگیاں پٹری سے اتر گئی ہیں ۔ قابل ذکر بات یہ ہے کہ اس حادثے میں کوئی جانی یا مالی نقصان نہیں ہوا۔ اور نہ ہی کسی کے زخمی ہونے کی کوئی اطلاع ہے۔
The engine of Sabarmati Express (Varanasi to Amdavad) hit an object placed on the track and derailed near Kanpur at 02:35 am today.
Sharp hit marks are observed. Evidence is protected. IB and UP police are also working on it.
No injuries to passengers or staff. Train arranged…
— Ashwini Vaishnaw (@AshwiniVaishnaw) August 17, 2024
ڈرائیور نے بتایا کہ حادثہ کیوں ہوا؟
ڈرائیور کے مطابق پہلی نظر میں پتھر انجن سے ٹکرا گیا ،جس سے انجن کا کیٹل گارڈ بری طرح ٹوٹ گیا یعنی جھک گیا۔ اس کے بعد کوچ پٹری سے اتر گئی۔ ساتھ ہی ریلوے انتظامیہ کی جانب سے مسافروں کی سہولت کے لیے تمام انتظامات کیے گئے ہیں۔ مسافروں کو بس کے ذریعے کانپور شہر بھیجا جا رہا ہے۔ سینئر حکام جائے حادثہ پر موجود ہیں۔
آئی بی اور یوپی پولیس بھی کرے گی تحقیقات – وزیر ریلوے
#WATCH | Sabarmati Express train derailment | Kanpur, Uttar Pradesh: Railway DRM Jhansi Division Deepak Kumar says, “There is no casualty or an injury. The passengers have been taken back to Kanpur via bus and train. Another train has been prepared in Kanpur to take the… pic.twitter.com/XyKRMeErAu
— ANI (@ANI) August 17, 2024
حادثے کے بارے میں ریلوے کے وزیر اشونی ویشنو کا کہنا ہے کہ سابرمتی ایکسپریس پٹری پر رکھی کسی چیز سے ٹکرا گئی ہے۔ انہوں نے یہ بھی کہا ہے کہ آئی بی اور یوپی پولیس حادثے کی تحقیقات کریں گے۔ ایکس پر معلومات دیتے ہوئے انہوں نے لکھا ہے کہ ‘سابرمتی ایکسپریس (وارانسی سے احمد آباد) کا انجن آج صبح 2:35 بجے کانپور کے قریب ٹریک پر رکھی کسی چیز سے ٹکرا گیا اور پٹری سے اتر گی۔ تیز دھار حملے کے نشانات ملے ہیں۔ ثبوت محفوظ کر لیے گئے ہیں۔ آئی بی اور یوپی پولیس بھی اس پر کام کر رہی ہے۔ مسافروں یا عملے کو کوئی چوٹ نہیں آئی، مسافروں کے لیے احمد آباد جانے کے لیے ٹرین کے انتظامات کیے گئے تھے۔
میمو ٹرین کا انتظام کیا گیا
دوسری جانب اے ڈی ایم سٹی کانپور راکیش ورما نے خبر رساں ایجنسی اے این آئی کو بتایا کہ 22 بوگیاں پٹری سے اتر گئی ہیں، لیکن کوئی زخمی نہیں ہوا ہے۔ تمام مسافروں کو بسوں کے ذریعے کانپور اسٹیشن بھیجا جا رہا ہے، میمو ٹرین بھی آ رہی ہے۔ اچھی بات یہ ہے کہ کسی قسم کا جانی نقصان نہیں ہوا۔
بھارت ایکسپریس
