جھارکھنڈ کے سابق وزیر اعلیٰ اور جھارکھنڈ مکتی مورچہ (جے ایم ایم) کے بانی شیبو سورین کا پیر کے روز دہلی کے سر گنگا رام اسپتال میں انتقال ہو گیا۔ وہ طویل عرصے سے علیل تھے۔ ان کے انتقال سے سیاسی حلقوں میں غم کی لہر دوڑ گئی ہے۔ شیبو سورین کے انتقال پر وزیر اعظم نریندر مودی نے گہرے دکھ کا اظہار کیا اور ان کے بیٹے و جھارکھنڈ کے وزیر اعلیٰ ہیمنت سورین سے فون پر بات کر کے تعزیت پیش کی۔
وزیر اعظم مودی نے انتقال پر افسوس کا اظہار کیا
Shri Shibu Soren Ji was a grassroots leader who rose through the ranks of public life with unwavering dedication to the people. He was particularly passionate about empowering tribal communities, the poor and downtrodden. Pained by his passing away. My thoughts are with his…
— Narendra Modi (@narendramodi) August 4, 2025
وزیر اعظم مودی نے اس بات چیت کی اطلاع سوشل میڈیا پلیٹ فارم ایکس پر دی۔ پی ایم مودی نے اپنی پوسٹ میں لکھا:”شیبو سورین ایک عوامی لیڈر تھے، جنہوں نے عوام سے غیر متزلزل وابستگی کے ساتھ عوامی زندگی میں بلندیوں کو چھوا۔ وہ خاص طور پر قبائلی برادریوں، غریبوں اور محروم طبقوں کے بااختیار بنانے کے لیے وقف تھے۔ ان کے انتقال سے دلی صدمہ پہنچا۔ میری دعائیں اور ہمدردیاں ان کے اہل خانہ اور چاہنے والوں کے ساتھ ہیں۔ جھارکھنڈ کے وزیر اعلیٰ ہیمنت سورین سے بات کی اور تعزیت پیش کی۔”
صدر جمہوریہ دروپدی مرمو نے دلی تعزیت کا اظہار کیا
صدر جمہوریہ دروپدی مرمو نے کہا کہ شیبو سورین نے زمینی سطح پر کام کرنے کے علاوہ جھارکھنڈ کے وزیر اعلیٰ، مرکزی وزیر اور رکن پارلیمنٹ کے طور پر بھی خدمات انجام دیں۔
صدر دروپدی مرمو نے کہا: ‘‘لوگوں، خاص طور پر قبائلی برادریوں کی فلاح و بہبود کے لیے ان کے کام کو ہمیشہ یاد رکھا جائے گا۔ میں ان کے بیٹے اور جھارکھنڈ کے وزیر اعلیٰ جناب ہیمنت سورین جی، خاندان کے دیگر افراد اور ان کے مداحوں سے دلی تعزیت کا اظہار کرتی ہوں۔’’
The demise of Shri Shibu Soren Ji is a big loss in the space of social justice. He championed the cause of tribal identity and formation of the state of Jharkhand. Besides his work at the grassroots, he also contributed as the Chief Minister of Jharkhand, as a Union Minister and…
— President of India (@rashtrapatibhvn) August 4, 2025
شیبو سورین کے انتقال کی خبر آتے ہی جھارکھنڈ میں غم کی فضا چھا گئی۔ مختلف سیاسی جماعتوں کے رہنماؤں نے انہیں خراج عقیدت پیش کیا ہے۔ شیبو سورین کی پوری سیاسی زندگی قبائلی حقوق، سماجی انصاف، اور علاقائی شناخت کی جدوجہد کے لیے وقف رہی۔ انہوں نے جھارکھنڈ ریاست کے قیام میں فیصلہ کن کردار ادا کیا اور قبائلی سماج کی آواز کو پارلیمنٹ تک پہنچایا۔
11 جنوری 1944کو پیدا ہوئے تھے
شیبو سورین کی پیدائش 11 جنوری 1944 کو بہار کے ضلع ہزاری باغ میں ہوئی تھی۔ انہیں “دیشوم گرو” اور “گرو جی” کے نام سے جانا جاتا ہے۔ انہوں نے قبائلیوں کے استحصال کے خلاف طویل جدوجہد کی۔ 1977 میں انہوں نے پہلی بار انتخاب لڑا، مگر شکست کا سامنا کرنا پڑا۔ البتہ 1980 سے وہ متعدد بار رکنِ پارلیمنٹ منتخب ہوتے رہے۔
بہار سے علیحدہ ریاست “جھارکھنڈ” بنانے کی تحریک میں بھی ان کا کردار نہایت اہم رہا ہے۔ وہ تین بار (2005، 2008، 2009) جھارکھنڈ کے وزیر اعلیٰ بنے، مگر کبھی بھی اپنی مدتِ اقتدار مکمل نہ کر سکے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
