لارنس بشنوئی کا بھائی انمول حراست میں،امریکہ میں پولیس کر رہی ہے تفتیش
گینگسٹر لارنس بشنوئی کا بھائی انمول بشنوئی امریکہ میں پکڑا گیا ہے۔ ذرائع کے مطابق انمول کو کیلیفورنیا سے حراست میں لیا گیا ہے۔ امریکی حکام نے کچھ عرصہ قبل انمول کی اپنے ملک میں موجودگی کی تصدیق کی تھی۔ اس کے بعد ممبئی پولیس نے انمول بشنوئی کی حوالگی کی تجویز بھیجی۔ یہ واقعہ چند روز بعد منظر عام پر آیا۔ انمول بشنوئی کو کچھ ہائی پروفائل جرائم بشمول سلمان خان کے گھر کے باہر فائرنگ اور بابا صدیقی قتل کیس میں ملزم نامزد کیا گیا ہے۔
ممبئی پولیس کی کرائم برانچ نے گینگسٹر لارنس بشنوئی کے بھائی انمول کو امریکہ سے بھارت کے حوالے کرنے کی کارروائی شروع کر دی ہے۔ ذرائع کے مطابق انمول کو بھارت لانے کی کوششوں کا اثرابھی نظر آنے لگا ہے۔ یہ کارروائی انمول کے خلاف جاری مقدمات کے سلسلے میں کی جا رہی ہے۔
لارنس بشنوئی کے بھائی انمول اداکار سلمان خان کے گھر کے باہر فائرنگ کے معاملے میں ممبئی پولیس کو مطلوب افراد کی فہرست میں شامل ہیں۔ مہاراشٹر کنٹرول آف آرگنائزڈ کرائم ایکٹ (MCOCA) سے متعلق مقدمات کی خصوصی عدالت نے دو ہفتے قبل انمول بشنوئی کی گرفتاری کے لیے غیر ضمانتی وارنٹ جاری کیا تھا۔ اس کے بعد امریکہ نے بتایا تھا کہ انمول ان کے ملک میں موجود ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
