پارلیمنٹ میں آپریشن سندور پر بحث سے قبل مرکزی وزیر کرن رجیجو نے پیر (28 جولائی 2025) کو پاکستان میں دہشت گرد ٹھکانوں پر بھارت کی کارروائی کا ذکر کرتے ہوئے ہندو مقدس کتاب رامائن کا حوالہ دیا۔
پارلیمانی امور کے وزیر کرن رجیجو نے پیر (28 جولائی 2025) کو سوشل میڈیا پلیٹ فارم ایکس پر ایک پوسٹ میں کہا:”جب راون نے لکشمن ریکھا پار کی، تو لنکا جل گئی۔ جب پاکستان نے بھارت کی کھینچی ہوئی لال لکیر کو پار کیا، تو دہشت گرد کیمپ آگ کی لپیٹ میں آ گئے۔”
Discussion on #OperationSindoor to begin today…
When Ravan crossed the Laxman Rekha, Lanka burned. When Pakistan crossed the red lines drawn by India, terrorist camps faced the fire!
जब रावण ने लक्ष्मण रेखा पार की, तो लंका जल गई। जब पाकिस्तान ने भारत द्वारा खींची गई लाल रेखा… pic.twitter.com/GHh6MtkzsL— Kiren Rijiju (@KirenRijiju) July 28, 2025
دہلی میں مرکزی وزیر نے کانگریس سمیت پوری اپوزیشن کو خبردار کرتے ہوئے کہا کہ وہ بھارت کی پارلیمنٹ میں پاکستان کی زبان نہ بولیں، جس سے فوج کا حوصلہ پست ہو۔ انہوں نے کہا:”ہم کانگریس سے کہنا چاہیں گے کہ وہ پارلیمنٹ میں ملک مخالف بات نہ کریں۔ وہ ایسی کوئی بات نہ کریں، جس سے بھارتی فوج کو تکلیف پہنچے۔ آپریشن سندور بھارت کے بدلتے ہوئے چہرے کی علامت ہے۔”
کیلاش کھیر کا گانا بھی پوسٹ کیا
اس کے ساتھ ہی کرن رجیجو نے کیلاش کھیر کا ایک گانا بھی شیئر کیا، جس کے بول تھے کہ یہ آپریشن بھارت کی “آن، بان، اور سوا بھیمان” کے لیے تھا۔ ایک منٹ کی اس ویڈیو کلپ کی شروعات وزیراعظم نریندر مودی کے ایک جملے سے ہوتی ہے، جس میں وہ کہتے ہیں کہ:“آپریشن سندور ملک کی ہر ماں، بہن اور بیٹی کو وقف ہے۔“
پیر کو لوک سبھا میں اس خاص بحث کے لیے سولہ گھنٹے مختص کیے گئے ہیں، جب کہ منگل 29 جولائی کو راجیہ سبھا میں بھی اتنی ہی مدت تک بحث ہوگی۔
اپوزیشن لگاتار آپریشن سندور پر بحث کی مانگ کر رہا تھا، حتیٰ کہ اس نے پارلیمنٹ کا خصوصی اجلاس بلانے کا مطالبہ بھی کیا تھا۔
آپریشن سندور 22 اپریل 2025 کو جموں و کشمیر کے پہلگام میں ہونے والے دہشت گرد حملے کا جواب تھا، جس میں خاص طور پر سیاحوں سمیت 26 افراد جاں بحق ہو گئے تھے۔
بھارتی فوج نے سخت ردعمل دیتے ہوئے پاکستان کے اندر گھس کر کئی دہشت گرد ٹھکانوں کو تباہ کر دیا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
