امریکی صدر ڈونلڈ ٹرمپ نے بڑا دل دکھایا ہے۔ ٹرمپ نے کہا ہے کہ ایلون مسک نے ان کے ساتھ تنازعہ پر عوامی طور پر معافی مانگ کر اچھا کام کیا ہے۔ واضح رہے کہ ایلون مسک نے بدھ کو ٹویٹ کیا تھا کہ انہیں امریکی صدر ڈونلڈ ٹرمپ کے بارے میں کی گئی کچھ پوسٹس پر افسوس ہے۔
مسک کی پوسٹ کے بعد یہ خیال کیا جا رہا تھا کہ وہ ٹرمپ کے ساتھ اپنی جاری لڑائی ختم کرنا چاہتے ہیں۔ اب ڈونلڈ ٹرمپ نے بھی اس معاملے میں نرم رویہ ظاہر کیا ہے۔
پیر کو ایلون مسک اور ڈونلڈٹرمپ کے درمیان فون پر بات چیت ہوئی اور اس کے بعد ہی ارب پتی تاجر نے اپنی پوسٹ پر افسوس کا اظہار کیا۔
‘مجھے ٹرمپ کے بارے میں کی گئی کچھ پوسٹس پر افسوس ہے…’
I regret some of my posts about President @realDonaldTrump last week. They went too far.
— Elon Musk (@elonmusk) June 11, 2025
ٹرمپ نے نیویارک پوسٹ کو انٹرویو دیتے ہوئے کہا کہ مجھے لگتا ہے کہ یہ بہت اچھا ہے کہ انہوں نے یہ کیا۔ وائٹ ہاؤس کی پریس سیکریٹری کیرولین لیویٹ نے کہا کہ اس دوران امریکی حکومت نے ایلون مسک کی کمپنیوں کے ساتھ کیے گئے کسی معاہدے کا جائزہ نہیں لیا۔
ایلون مسک نے وانس سے بات کی تھی
اس تنازعہ کے درمیان جمعرات کو ایلون مسک کے ٹیسلا انکارپوریشن کے حصص کی قیمت گر گئی ،لیکن پھر انہوں نے اپنا نقصان پورا کر لیا۔ وال اسٹریٹ جرنل کی رپورٹ کے مطابق معافی مانگنے سے قبل ایلون مسک نے جمعہ کو نائب صدر جے ڈی وینس اور وائٹ ہاؤس کی چیف آف اسٹاف سوسی ولز سے بھی بات کی۔ دونوں نے ایلون مسک پر زور دیا تھا کہ وہ ٹرمپ کے ساتھ جاری تنازعہ کو ختم کریں۔
ڈی او جی ای چیف کے عہدے سے استعفیٰ دے دیا
مسک نے صدر ٹرمپ کے ٹیکس اور اخراجات کے بل پر تنقید کی تھی۔ گزشتہ سال ڈونلڈ ٹرمپ حکومت کے قیام کے بعد ایلون مسک کو ڈپارٹمنٹ آف گورنمنٹ ایفیشنسی (DOGE) کا سربراہ مقرر کیا گیا تھا ،لیکن گزشتہ چند ماہ میں دونوں کے درمیان تعلقات خراب ہونے لگے اور اس کے بعد ایلون مسک نے اپنے عہدے سے استعفیٰ دے دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
