اسرائیل اور ایران کے درمیان جنگ بندی ہو چکی ہے۔ امریکی صدر ڈونلڈ ٹرمپ نے دعویٰ کیا ہے کہ انہوں نے جنگ بندی میں اہم کردار ادا کیا ہے۔ اس دوران ایک چونکا دینے والی خبر سامنے آئی ہے۔ ٹرمپ نے ایک اور دعویٰ کیا تھا کہ ایران کے تمام جوہری مراکز مکمل طور پر تباہ ہو چکے ہیں لیکن امریکی انٹیلی جنس رپورٹ کے مطابق ایسا نہیں ہوا۔
قابل ذکر بات یہ ہے کہ پینٹاگون کے چیف ترجمان شان پارنیل نے بتایا تھا کہ امریکہ نے ایران کی جوہری تنصیبات پر کئی بم گرائے ہیں۔ انہوں نے بتایا کہ اس دوران 30 ہزار پاؤنڈ وزنی یعنی 13 ہزار 607 کلوگرام کے بم گرائے گئے ہیں۔ اس سے ایران کی جوہری تنصیبات کو بھاری نقصان پہنچا ہے۔ نیویارک ٹائمز نے ایک خبر کے ذریعے بتایا کہ انٹیلی جنس رپورٹ کے مطابق ایران کا جوہری بحران مکمل طور پر ختم نہیں ہوا ہے۔ ہاں یہ ضرور ہے کہ رفتار کم ہو جائے گی۔
ٹرمپ نے جوہری مقامات کے تباہ نہ ہونے کی خبروں کوفرضی قرار دیا
ٹرمپ نے میڈیا میں چلنے والی خبروں کو جھوٹا قرار دیا ہے۔ انہوں نے سوشل میڈیا پوسٹ میں لکھا کہ ہم نے تاریخ کا کامیاب ترین فوجی حملہ کیا ہے۔ ایران کی ایٹمی سائٹ مکمل طور پر تباہ ہو چکی ہے۔
جنگ بندی کی خلاف ورزی پر ٹرمپ غصے میں آگئے
ایران اور اسرائیل نے جنگ بندی کی خلاف ورزی کی تھی۔ ٹرمپ نے اسرائیل اور ایران پر سخت موقف اختیار کیا اور جنگ بندی کی خلاف ورزی پر برہمی کا اظہار کیا۔ ٹرمپ نے خبردار کیا کہ دونوں ممالک کی کارروائی سخت جنگ بندی کو توڑ سکتی ہے، جس پر پیر کی رات اتفاق کیا گیا تھا۔
واشنگٹن میں میڈیا سے گفتگو کرتے ہوئے ٹرمپ نے کہا کہ ان لوگوں کو پرسکون ہونا پڑے گا، یہ مضحکہ خیز ہے۔ میں نے جو دیکھا وہ مجھے بالکل پسند نہیں آیا، نہ اسرائیل کا حملہ اور نہ ہی ایران کی جوابی کارروائی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
