اترپردیش کے وزیر اعلی یوگی آدتیہ ناتھ
اتر پردیش کے وزیر اعلیٰ یوگی آدتیہ ناتھ نے ہاتھرس ست سنگ کے دوران پیش آنے والے حادثے کے حوالے سے بڑا اعلان کرتے ہوئے کہا ہے کہ ہماری حکومت اس واقعے کی تہہ تک جائے گی اور سازش کرنے والوں اور ذمہ داروں کو سخت سزا دی جائے گی۔ اس کے ساتھ انہوں نے یہ بھی کہا کہ ریاستی حکومت اس واقعہ کی تحقیقات کر رہی ہے۔ ہم اس کی تہہ تک جائیں گے اور دیکھیں گے کہ یہ حادثہ ہے یا سازش۔
سیاست کرنے والوں کو سخت سرزنش
जनपद हाथरस की दुर्भाग्यपूर्ण दुर्घटना पर… pic.twitter.com/VOcNSmZkwW
— Yogi Adityanath (@myogiadityanath) July 2, 2024
اپنی سرکاری رہائش گاہ پر ایک پریس کانفرنس سے خطاب کرتے ہوئے سی ایم یوگی نے اس واقعہ پر سیاست کرنے والی پارٹیوں کی سرزنش بھی کی اور کہا کہ متاثرین سے اظہار تعزیت کرنے کے بجائے اس طرح کے واقعہ پر سیاست کرنا انتہائی افسوس ناک اور قابل مذمت بھی ہے۔ یہ مظلوموں کے زخموں پر مرہم رکھنے کا، متاثرین سے ہمدردی کا وقت ہے۔ حکومت پہلے ہی اس معاملے میں حساس ہے اور کسی بھی مجرم کو بخشا نہیں جائے گا۔ سی ایم یوگی نے کہا کہ یہ واقعہ انتہائی افسوسناک اور دل دہلا دینے والا ہے۔
134 افراد ہلاک ہو گئے
آپ کو بتاتے چلیں کہ کل یعنی 2 جولائی کو ہاتھرس ضلع کے سکندرراؤ میں بھولے بابا کے ستسنگ کا اہتمام کیا گیا تھا۔ پروگرام ختم ہونے کے بعد جب بھولے بابااسٹیج سے اتر رہے تھے تو عقیدت مندوں کا ایک ہجوم ان کی طرف بڑھ رہا تھا۔ اس دوران لوگ بھولے بابا کو چھونے کے لیے بے چین ہو گئے اور پھر جب خدمتگاروں نے انہیں روکا تو وہاں بھگدڑ مچ گئی۔
سی ایم یوگی نے کہا کہ معاملے کی تحقیقات کے لیے ایڈیشنل ڈی جی آگرہ کی سربراہی میں ایک ٹیم تشکیل دی گئی ہے اوراس میں ڈویژنل کمشنرعلی گڑھ بھی شامل ہے اورانہیں بغیر کسی تاخیر کے رپورٹ فراہم کرنے کو کہا گیا ہے۔ واقعہ کے پیش نظر ریاست کے چیف سکریٹری اور ڈی جی پی وہاں ڈیرے ڈالے ہوئے ہیں اور ریاستی حکومت کے تین وزراء چودھری لکشمی نارائن، سندیپ سنگھ اور اسیم ارون جائے وقوعہ پر ڈیرے ڈالے ہوئے ہیں اور زخمیوں کے علاج وغیرہ کے انتظامات کرنے میں مصروف ہیں۔
وزیر اعظم اور وزیر داخلہ نے بھی اس واقعہ پر گہرے دکھ کا اظہار کیا ہے اور سوگوار خاندان سے تعزیت کا اظہار کیا ہے۔ اس کے ساتھ ہی سی ایم نے کہا کہ حکومت ہند اور ریاستی حکومت نے مرنے والوں کے لواحقین کو دو دو لاکھ روپے اور زخمیوں کے لواحقین کی مدد کے لیے پچاس ہزار روپے دینے کا اعلان کیا ہے۔
بھارت ایکسپریس
