راہل گاندھی کی نیائے یاترا سے پہلے کانگریس کو لگابڑاجھٹکا، ملند دیورا نے دیا استعفیٰ،ختم ہوا 55 سال پرانا رشتہ
Milind Deora Resigns: راہل گاندھی کی نیائے یاترا سے پہلے مہاراشٹر میں کانگریس پارٹی کو بڑا جھٹکا لگا ہے۔ کانگریس لیڈر ملند دیورا نے پارٹی کی بنیادی رکنیت سے استعفیٰ دے دیا ہے۔ انہوں نے اس با ت کی اطلاع سوشل میڈیا کے ذریعے دی۔ انہوں نے ایک پوسٹ کرتے ہوئے کہا کہ ان کا ایک اہم باب ختم ہو گیا ہے۔
کانگریس کے سابق رہنما نے سوشل میڈیا پلیٹ فارم پر لکھا “55 سال پرانا رشتہ ختم ہو رہا ہے۔ میں تمام رہنماؤں، ساتھیوں اور کارکنوں کا گزشتہ برسوں میں ان کی بے لوث حمایت کے لیے شکر گزار ہوں۔”
Today marks the conclusion of a significant chapter in my political journey. I have tendered my resignation from the primary membership of @INCIndia, ending my family’s 55-year relationship with the party.
I am grateful to all leaders, colleagues & karyakartas for their…
— Milind Deora | मिलिंद देवरा ☮️ (@milinddeora) January 14, 2024
شنڈے کے خیمے میں ہوئے شامل
ملند دیورا آج 14 جنوری کو ایکناتھ شندے کے دھڑے کی شیوسینا میں شامل ہوں گے۔ ان کی شمولیت وزیر اعلیٰ کی رہائش گاہ پر ہو گی۔ حالانکہ اس طرح کی قیاس آرائیاں پہلے بھی کی جا رہی تھیں کہ وہ کانگریس چھوڑ کر شندے سینا میں شامل ہو جائیں گے۔لیکن ایک دن پہلے ہی انہوں نے ان قیاس آرائیوں کو مسترد کر دیا تھا۔
یہ بھی پڑھیں: ‘نتیش بابو کی ذہنی اور جسمانی حالت ٹھیک نہیں…’ انڈیا کا کنوینر نہ بننے پر سابق مرکزی وزیر آر سی پی سنگھ کا طنز
CWC کا مشترکہ خزانچی بنایا گیا تھا
حال ہی میں جب کانگریس ورکنگ کمیٹی کا اعلان کیا گیا تو پارٹی صدر ملکارجن کھڑگے نے ملند دیورا کو مشترکہ خزانچی کی ذمہ داری سونپی تھی۔لیکن کچھ دنوں بعد انہوں نے استعفیٰ دے دیا اور کانگریس پارٹی چھوڑنے کا فیصلہ کیا۔ ملند دیورا کی کانگریس چھوڑنے کی وجہ انڈیا اتحاد کو بتایا جا رہا ہے۔
بھارت ایکسپریس
