ہفتے کے روز 26 ویں کرگل وجے دیوس کے موقع پرمرکزی وزیر دفاع راج ناتھ سنگھ نے سیکریٹری دفاع راجیش کمار سنگھ، چیف آف ڈیفنس اسٹاف جنرل انیل چوہان، آرمی چیف جنرل اوپندر دیویدی، ایئر چیف مارشل اے پی سنگھ اور نیول چیف ایڈمرل دینیش کے تریپاٹھی کے ہمراہ 1999 کی کرگل جنگ میں اپنی جانیں قربان کرنے والے فوجیوں کو قومی جنگی یادگار پر خراج عقیدت پیش کیا۔
اس سے پہلے آج مرکزی وزیر منسُکھ مانڈویہ اور مرکزی وزیر مملکت برائے دفاع سنجے سیٹھ نے دراس، کرگل میں منعقدہ یادگاری تقریب میں بہادر بھارتی فوجیوں کو پرخلوص خراج عقیدت پیش کیا، جہاں دونوں رہنما مقامی لوگوں اور طلبہ کے ساتھ قومی فخر اور اجتماعی یاد کی علامت ’پدیاترا‘ (پیدل مارچ) میں شریک ہوئے۔
بھارتی پرچم لہراتے ہوئے ماحول “وندے ماترم” اور “بھارت ماتا کی جے” کے نعروں سے گونج اٹھا۔ پدیاترا میں طلبہ اور مقامی شہریوں نے جوش و خروش سے شرکت کی، جو بھارتی مسلح افواج کی بہادری اور قربانی کو خراج پیش کرنے کے لیے ایک ساتھ چل رہے تھے۔
اس تقریب میں ثقافتی خراج عقیدت بھی شامل تھا، جہاں روایتی لباس میں ملبوس طلبہ نے اسٹیج پر پرفارمنس پیش کی۔ پدیاترا کے دوران، طلبہ نے جذباتی انداز میں حب الوطنی کا مشہور نغمہ “اے میرے وطن کے لوگوں” گایا، جس سے ہجوم میں کئی لوگ جذباتی ہو گئے۔
کرگل جنگ کے شہدیوں کے اہل خانہ بھی موجود تھے اور انہوں نے کرگل وار میموریل پر خراج عقیدت پیش کیا۔ کئی افراد شہداء کے ناموں پر کندہ پتھروں کے قریب تصاویر کھینچتے اور چند لمحات گزارتے نظر آئے۔
اس دوران، وزیراعظم نریندر مودی نے بھی کرگل وجے دیوس کے موقع پر مبارکباد دی اور کرگل جنگ میں شجاعت اور دلیری کے ساتھ لڑنے والے جوانوں کی قربانی کو یاد کیا۔ وزیراعظم مودی نے کہا کہ فوجیوں کی قربانی ہر نسل کو تحریک دیتی رہے گی۔
وزیراعظم مودی نے ایکس پر لکھا:
देशवासियों को कारगिल विजय दिवस की ढेरों शुभकामनाएं। यह अवसर हमें मां भारती के उन वीर सपूतों के अप्रतिम साहस और शौर्य का स्मरण कराता है, जिन्होंने देश के आत्मसम्मान की रक्षा के लिए अपना जीवन समर्पित कर दिया। मातृभूमि के लिए मर-मिटने का उनका जज्बा हर पीढ़ी को प्रेरित करता रहेगा। जय…
— Narendra Modi (@narendramodi) July 26, 2025
“کرگل وجے دیوس پر ملک کے عوام کو دلی مبارکباد۔ یہ موقع بھارت ماتا کے ان بہادر سپوتوں کی بے مثال بہادری اور شجاعت کی یاد دلاتا ہے جنہوں نے قوم کی عزت و وقار کے لیے اپنی جان نچھاور کر دی۔ مادر وطن کے لیے سب کچھ قربان کرنے کا ان کا جذبہ ہر نسل کو تحریک دیتا رہے گا۔”
صدر جمہوریہ دروپدی مرمو نے بھی ہفتے کے روز کرگل وجے دیوس کی مبارکباد دی۔ صدر نے ایکس پر لکھا:
“کرگل وجے دیوس کے موقع پر، میں مادر وطن کے لیے اپنی جانوں کا نذرانہ پیش کرنے والے بہادر سپاہیوں کو دل کی گہرائیوں سے خراج عقیدت پیش کرتی ہوں۔ یہ دن ہمارے جوانوں کی غیر معمولی شجاعت، ہمت اور پختہ عزم کی علامت ہے۔ قوم کے لیے ان کی قربانی اور لگن ہمیشہ ہم وطنوں کو تحریک دیتی رہے گی۔”
کرگل وجے دیوس ہر سال 26 جولائی کو 1999 کی کرگل جنگ میں پاکستانی دراندازوں پر بھارت کی فتح کی یاد میں منایا جاتا ہے۔ یہ دن بھارتی مسلح افواج کی قربانی اور ناقابل تسخیر حوصلے کی یاد دلاتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
