Whenever I retire, will dedicate rest of my life to Vedas: جب سیاست سے ریٹائر ہوجاؤں گا تو باقی زندگی وید، اپنشد اور قدرتی کھیتی کے لیے وقف کردوں گا:امت شاہ

نئی دہلی: مرکزی وزیر داخلہ امت شاہ نے بدھ کے روز دہلی میں منعقدہ ’سہکار سنواد‘ پروگرام کے دوران اپنی ریٹائرمنٹ کے بعد کی زندگی کی ایک جھلک پیش کی۔ انھوں نے اعلان کیا کہ وہ جب بھی سیاست سے سبکدوش ہوں گے، اپنی بقیہ زندگی ویدوں، اُپنشدوں اور قدرتی کھیتی کے لیے وقف کر دیں گے۔

قدرتی کھیتی سائنسی فوائد سے بھرپور ہے

امت شاہ نے قدرتی کھیتی کی اہمیت کو اجاگر کرتے ہوئے کہا: یہ قدرتی کھیتی اتنی سائنسی طور پر فائدہ مند ہے کہ اس کے بے شمار فوائد ہیں۔ انہوں نے زور دیا کہ کھاد کے میدان میں ابھی بہت کام ہونا باقی ہے، اور یہ شعبہ کوآپریٹو نظام کے ذریعے مزید مضبوط ہو سکتا ہے۔

आज सहकारिता ने गाँव-गाँव में PACS व अन्य संस्थाओं से जुड़ीं महिलाओं के दरवाजे पर कंप्यूटर ला दिए। पहले अन्न भंडारण बनाने का सपना सिर्फ अमीर लोग देख सकते थे। आज सहकारिता से जुड़े लोग उनके गाँवों में ग्रेन स्टोरेज बना रहे हैं। महिलाओं, किसानों व हर वर्ग को आत्मनिर्भर बनाने और कम… pic.twitter.com/hFp1yaPJSI

— Amit Shah (@AmitShah) July 9, 2025

اونٹنی کا دودھ دوائیوں جیسی خصوصیات رکھتا ہے

مرکزی وزیر کے دفتر کی جانب سے ایک پوسٹ میں بتایا گیا کہ: گجرات سے تعلق رکھنے والی میرال بین رباری نے بتایا کہ کس طرح کوآپریٹو کے ذریعہ اونٹنی کا دودھ بیچنے والے کسانوں کو فائدہ ہو رہا ہے، اور یہ دودھ اپنی دوائی جیسی خصوصیات کی وجہ سے لوگوں کے لیے مفید ثابت ہو رہا ہے۔

سہکار سمیلن میں پانچ P فارمولے پر زور

امیت شاہ نے انند (گجرات) میں وزارتِ سہکار کے قیام کی چوتھی سالگرہ کے موقع پر بڑے پیمانے پر ’سہکار سمیلن‘ کا انعقاد کیا، جس میں گجرات کے وزیراعلیٰ بھوپیندر پٹیل بھی شریک تھے۔ انہوں نے دنیا بھر میں معروف امول ڈیری کے کئی ترقیاتی منصوبوں کا افتتاح کیا اور کوآپریٹو تحریک کو پورے ملک میں پھیلانے کے لیے ’پانچ P‘ (People, PACS, Platform, Policy, Prosperity) فارمولے پر زور دیا۔

PACS के सदस्य बनकर, डेयरी समितियों से जुड़कर, ऋण समितियाँ बनाकर, रोजगार पाकर और कंप्यूटर व डिजिटल शक्ति से संपन्न होकर सुदूर गाँवों की महिलाओं के चेहरे पर जब आत्मसम्मान की मुस्कान आती है, तब सहकारिता का असल महत्त्व पता चलता है।#SahkarSamvaad pic.twitter.com/4uOsI4GOmL

— Amit Shah (@AmitShah) July 9, 2025

سہکاری وزارت کی چار سالہ کارکردگی

وزارت سہکار کے قیام، نیشنل ڈیری ڈیولپمنٹ بورڈ کی 60ویں سالگرہ اور سردار پٹیل کی 150ویں یوم پیدائش کے موقع پر امیت شاہ نے کہا کہ یہ تینوں موقع سہکاری تحریک کو نئی جہت دینے کا موقع فراہم کر رہے ہیں۔ انہوں نے بتایا کہ پچھلے چار سال میں وزارت نے جن پانچ نکات پر کام کیا ہے، وہ ہیں:

People – خدمت پر مبنی نقطۂ نظر

PACS – پرائمری ایگریکلچرل کریڈٹ سوسائٹیز کو مضبوط کرنا

Platform – ڈیجیٹل پلیٹ فارم کی تیاری

Policy – نئی پالیسیوں کی تشکیل

Prosperity – سماجی خوشحالی کا ہدف

وزیر داخلہ نے وزیراعظم نریندر مودی کی قیادت میں کوآپریٹو شعبہ کے تیزی سے پھیلنے کا بھی ذکر کیا۔

بھارت ایکسپریس اردو۔