West Bengal Assembly Elections 2026: مغربی بنگال اسمبلی الیکشن 2026 کے درمیان 24 پرگنہ ضلع کے فالٹا علاقے سے کشیدگی کی خبرسامنے آئی ہے۔ یہاں مقامی لوگوں اورسیکورٹی اہلکاروں کے درمیان زبردست بحث ہوئی۔ اس دوران ٹی ایم سی کے لیڈران پردھمکی دینے کے الزام لگائے گئے ہیں۔ حادثہ کے دوران لوگوں اورسیکورٹی اہلکاروں کے درمیان بھی کافی دیرتک بحث ہوتی رہی۔ حالانکہ حالات قابومیں رکھنے کی کوشش کی گئی، لیکن علاقے میں کشیدگی بنی رہی۔ مغربی بنگال اسمبلی الیکشن کی 294 سیٹوں کے لئے ووٹنگ 23 اپریل اور29 اپریل کودومرحلوں میں ووٹنگ ہوئی ہے۔ اب ووٹوں کی گنتی 4 مئی کو ہونی ہے۔
#WATCH | West Bengal Elections 2026 | South 24 Parganas: Locals have a heated argument with security personnel in Falta area. They are alleging that TMC leaders are threatening them. pic.twitter.com/tZkariNAwo
— ANI (@ANI) May 2, 2026
جنوبی 24 پرگنہ ضلع میں دوبارہ پولنگ جاری
مغربی بنگال کے جنوب-24 پرگنہ ضلع کی دواسمبلی سیٹوں کے 15 پولنگ اسٹیشنوں پرجاری دوبارہ پولنگ کے عمل کے دوران صبح 11 بجے تک، تقریباً 37 فیصد ووٹرٹرن آؤٹ ریکارڈ کیا گیا۔ مگراہاٹ ویسٹ اسمبلی حلقہ کے 11 اورڈائمنڈ ہاربرکے 4 پولنگ اسٹیشنوں پرپرامن طریقے سے ووٹنگ جاری ہے۔ الیکشن کمیشن نے انتخابی بدانتظامی کی اطلاعات موصول ہونے کے بعد ایک روزقبل ان حلقوں میں دوبارہ پولنگ کا حکم دیا تھا۔ ایک عہدیدارنے بتایا کہ ووٹنگ صبح 7 بجے شروع ہوئی اورشام 6 بجے تک جاری رہے گی۔ صبح 11 بجے تک تقریباً 36.99 فیصد ووٹ ڈالے گئے۔
تشدد یا بدامنی کا کوئی واقعہ نہیں
انتخابی افسرنے بتایا کہ مگرا ہاٹ مغرب میں 38.2 فیصد اورڈائمنڈ ہاربرمیں 35.92 فیصد ووٹنگ ہوئی۔ الیکشن کمیشن کے افسرنے کہا، ’’اب تک ووٹنگ پرامن رہی ہے اوردونوں اسمبلی حلقوں میں تشدد یا بدامنی کا کوئی حادثہ سامنے نہیں آیا ہے۔ دونوں انتخابی حلقوں میں مرکزی سیکورٹی اہلکاروں کی مناسب تعداد موجود ہے۔ ویب کاسٹنگ بھی جاری ہے اورہم پورے عمل پر نظررکھ رہے ہیں۔‘‘ ان دونوں اسمبلی سیٹ پر29 اپریل کوووٹنگ ہوئی تھی۔
دونوں سیٹوں پرسخت مقابلہ کا امکان
مگراہاٹ مغرب سیٹ پرترنمول کانگریس کے محمد شمیم احمد ملّا کا مقابلہ بی جے پی امیدوارگورسندرگھوش سے ہے جبکہ کانگریس کے عبدالمجید ہلدراورانڈین سیکولرفرنٹ (آئی ایس ایف) کے عبدالعزیزالحسن بھی میدان میں ہیں۔ ڈائمنڈ ہاربرسیٹ پرترنمول کانگریس کے پنّالال ہلدر، بی جے پی کے دیپک کمارہلدر کو چیلنج دے رہے ہیں۔ کانگریس کے گوتم بھٹا چاریہ اورکمیونسٹ پارٹی آف انڈیا (سی پی آئی-ایم) کے سمرنائیا سمیت کئی دیگرامیدواربھی اس سیٹ پرقسمت آزما رہے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
