دہلی میں آج ہو سکتی ہے موسلادھار بارش، محکمہ موسمیات نے جاری کیا اورنج الرٹ
Weather Update: مانسون کی آمد کے بعد اب ملک کے بیشتر علاقوں میں بارش ہو رہی ہے۔ اس دوران آج بھی کئی ریاستوں میں بارش کے حوالے سے الرٹ جاری کیا گیا ہے۔ دہلی میں آج بھی بارش کا امکان ہے۔ دوسری ریاستوں کی بات کریں تو یوپی کے کئی اضلاع میں بھی گرج چمک کے ساتھ بارش کا امکان ظاہر کیا گیا ہے۔ اس کے علاوہ اتراکھنڈ، ہماچل پردیش، کیرلہ، راجستھان سمیت کئی ریاستوں میں بارش ہوسکتی ہے۔
دہلی میں اتوار کو آسمان ابر آلود رہے گا۔ آئی ایم ڈی کے مطابق آج پھر بارش کا امکان ہے۔ دہلی میں آج زیادہ سے زیادہ درجہ حرارت 35 ڈگری رہنے کا امکان ہے۔ جبکہ کم سے کم درجہ حرارت 26 ڈگری سینٹی گریڈ رہنے کا امکان ہے۔ بدھ اور ہفتہ کی صبح دہلی کے کئی حصوں میں بارش کی وجہ سے لوگوں کو نمی سے راحت ملی اور درجہ حرارت میں کمی آئی۔
محکمہ موسمیات (آئی ایم ڈی) کے مطابق، دہلی کے صفدرجنگ موسمیاتی مرکز میں دوپہر 2.30 بجے سے شام 5.30 بجے کے درمیان 13.6 ملی میٹر بارش ریکارڈ کی گئی۔ لودھی روڈ پر 12.4 ملی میٹر بارش ریکارڈ کی گئی جبکہ پالم سینٹر میں 7.8 ملی میٹر بارش ریکارڈ کی گئی۔ محکمہ موسمیات نے اتوار کو آسمان عام طور پر ابر آلود رہنے اور بوندا باندی کی پیش گوئی کی ہے۔ انہوں نے کہا کہ زیادہ سے زیادہ اور کم سے کم درجہ حرارت بالترتیب 35 اور 26 ڈگری سیلسیس کے آس پاس رہ سکتا ہے۔
دہلی میں کم سے کم درجہ حرارت 25 ڈگری سیلسیس ریکارڈ کیا گیا جو سیزن کے اوسط سے دو ڈگری کم ہے۔ زیادہ سے زیادہ درجہ حرارت 35.6 ڈگری سیلسیس رہا جو کہ موسم کے حساب سے معمول ہے۔ ہوا میں نمی کی وجہ سے لوگوں کو مشکلات سے نجات نہیں مل رہی۔ قومی راجدھانی میں نمی کی سطح ہفتہ کو 92 فیصد سے 94 فیصد کے درمیان رہی۔
یہ بھی پڑھیں- Delhi High Court :دہلی ہائی کورٹ نے پرائیویٹ اسکولوں کو 50 فیصد بڑھی ہوئی فیس جمع کرنے کے بعد اندراج بحال کرنے کی ہدایت دی
وارانسی میں خراب موسم کی وجہ سے دہلی کی طرف موڑ دیا گیا انڈگو پرواز کا رخ
انڈگو نے اتر پردیش کے وارانسی میں خراب موسم کی وجہ سے ایک پرواز کا رخ دہلی کی طرف موڑ دیا ہے۔ انڈگو کی جانب سے افسوس کا اظہار کرتے ہوئے مسافروں کو مطلع کیا گیا کہ، آپ کو ہونے والی زحمت پر ہمیں افسوس ہے۔ براہ کرم جان لیجئے کہ وارانسی میں خراب موسم کی وجہ سے فلائٹ 6e 672 کا رخ دہلی کی طرف موڑ دیا گیا ہے۔ اپ ڈیٹ شدہ روانگی کا وقت 07:30 گھنٹے ہے۔
-بھارت ایکسپریس
